Stjörnulífið: Spriklandi sprækir landsmenn og óvænt endurkoma

Mannlífið var iðandi þessa helgina enda mikið um að vera. Menningarnótt og maraþon þar sem öllu var til tjaldað. Óhætt er að segja landsmenn reyni að nýta vel síðustu sólardaga sumarsins.  Hápunkti helgarinnar var sennilega náð með stórglæsilegum tónleikum á laugardagskvöld þar sem fram komu helstu tónlistarmenn þjóðarinnar. Má þar helst nefna Röggu Gísla og hljómsveitina Ham en stúlknasveitin Nylon stal óumdeilanlega senunni með innkomu en tuttugu ár eru nú síðan sveitin kom fyrst saman. 

Smellti kossi á alla

Elísabet Gunnarsdóttir, eigandi Trendnet og áhrifavaldur hljóp sitt fyrsta hálfmaraþon. Glöggir fylgjendur sáu hana smella kossi á sína nánustu á meðan á hlaupinu stóð.

Tískustílistinn Hulda Halldóra hefur verið ófeimin að fjalla um baráttu sína við brjóstakrabbamein. Hún ásamt öflugum hópi kvenna hljóp fyrir hönd Ljóssins en það er endurhæfingar- og stuðningsmiðstöð fyrir fólk sem hefur fengið krabbamein og aðstandendur þess.

Anna Bergman, annar áhrifavaldur, tók eins og svo margir aðrir þátt í hlaupinu. Á myndinni fagnar Anna með sambýlismanni sínum Atla Bjarnasyni. 

Leikkonan Birna Rún Eiríksdóttir mætti í skemmtilegt viðtal við Vísi í vikunni þar sem hún lofað að hlaupa berbrjósta ef ákveðin upphæð myndi nást. Svo varð því miður ekki en Birna Rún hljóp engu að síður um götur Spánar þar sem hún er staðsett þessa stundina.

 Hleypur ber­brjósta með kú­reka­hatt

Guðrún Veiga Guðmundsdóttir, eða gveiga, eins og netverjar þekkja hana, lét sitt ekki eftir ligga og þrammaði góða tíu kílómetra undir vökulum augum fylgjenda sinna. Hún er búsett í Vestmannaeyjum og hljóp því þaðan. 

Hlaupadrottningin Silja Úlfarsdóttir þaut marga kílómetra með synina tvo til heiðurs föðurs þeirra sem féll frá langt um aldur fram. Silja hljóp fyrir Örninn og var glæsileg að vanda.

Páll Óskar sendi þakklætiskveðju til fylgjenda sinna í tilefni menningarnætur. 

Júlí Heiðar skemmti í Hljómskálagarðinum á Bylgjutónleikum ásamt Kristmundi Axel og öðru frábæru teymi listamanna, þar á meðal unnustu sinni Þórdísi  Björk Þorfinnsdóttur en hann þakkar Bylgjunni fyrst og fremst fyrir að hafa staðið vaktina. 

Ef einhver kann að halda útilegu upp á tíu er það Tobba Marinós. Á Instagram færslu sinni má sjá frábært dæmi um þvílíka neglu sem Tobba mætti með um helgina þar sem heppnir vinir gæddu sér á ostum og öðrum gúmmelaði. Tobba er klárlega ein af útilegu drottningum Íslands.

Söngkonan GuðrúnÝr, eða, GDRN tryllti allt á tónleikum Rásar 2 á Menningarnótt þar sem hún gaf stórsöngkonunni Röggu Gísla ekkert eftir í flutningi á ógleymanlegum Stuðmannalögum. 

Lilja Pétursdóttir, nýkjörin Ungfrú Ísland skrifaði undir samning Miss Universe Iceland um yfirvofandi ferðalög og ævintýri næsta árs. 

Leifur Welding, innanhúshönnuður var stoltur við skírn fyrsta barnabarns síns en snáðinn fékk nafnið Rúrik Blær.

Ingileif og María fögnuðu fjórða aldursári sonar síns, Rökkva en í tilefni dagsins samdi Ingileif ljóð til sonar þeirra. 

Það var um síðsumarnótt,

er daga var farið að stytta.

Allt var svo kyrrlátt og hljótt

og í rökkrið farið að glitta.

Þú birtist svo dökkur og fagur,

er tunglið og sólin mættust.

Við það rann upp nýr dagur

og allar okkar óskir rættust.

Með þér er allt betra en best,

okkar fallegi og blíði drengur.

Við elskum þig meira en mest,

að eilífu og ennþá lengur.

Stúlknahljómsveitin Nylon kom aftur saman, öllum að óvörum á Menningarnótt. Söngkona sveitarinnar, Klara Elíasdóttir, smellti þessari mynd á samfélagsmiðla sína rétt áður en sveitin steig á svið. 

Nylon saman á ný

Hlaupadrottningin Mari segist elska manninn sinn þrátt fyrir að hann fari i golf. 

Tara Sif Birgisdóttir gifti sig með pomp og prakt á Ítalíu í síðustu viku og deildi fallegu myndbandi frá deginum á samfélagsmiðli sínum. 

Stjörnukokkurinn, sjónvarpskonan og nú markaðsstjóri Hagkaupa, Evu Laufey Kjaran, er augljóslega margt til lista lagt en hún skellti sér í laxveiði um helgina sem leið. Feitur og pattaralegur lax beit þar á hjá matardrottningunni sem vafalaust fékk viðeigandi meðferð og glæsilega framsetningu.

Þingkonan Þórdís Kolbrún Reykdal, fagnaði afmæli eiginmannsins með þessum orðum; Þessi rólyndismaður og þolinmóða jarðtengingin mín sem elskar allskyns afþreyingu er í veiði með æskuvinunum úr Grindavíkinni. Ég er nokkuð viss um að hann blandi þar bestu kokteilana og eldi besta matinn ofan í uppáhalds hópinn sinn. Heimsins besti pabbi sem eldist svo fallega og ég er svo þakklát fyrir.