Hádegisfréttir Bylgjunnar

Hægt hefur á öflugri skjálftahrinu sem hófst í gærkvöldi suðvestur af Reykjanesskaga. Í hádegisfréttum Bylgjunnar verður rætt við sérfræðing á Veðurstofunni sem telur allt benda til þess að um hefðbundna skjálftavirkni sé að ræða. Enginn gosórói mælist á svæðinu.

Miklar breytingar verða gerðar á barnaverndarkerfinu hér á landi gangi framkvæmdaráætlun barnamálaráðherra eftir. Við heyrum í ráðherra sem leggur áherslu á að ríkið taki fleiri málaflokka til sín með samvinnu við sveitarfélögin.

Þá förum við yfir stöðu mála eftir hamfarirnar á Maui og kynnum við okkur bandarískar sprengjuþotur sem komu til landsins í gær - en þeim fylgir um tvö hundruð manna liðsafli. 

Þetta og fleira í hádegisfréttum Bylgjunnar klukkan 12:00.