Blikar hafa ekki unnið íslenskt lið í meira en mánuð

Leikurinn hefst klukkan 19.15 á Kópavogsvellinum og verður sýndur beint Stöð 2 Sport en útsendingin hefst klukkan 19.05.

Breiðablik er nú þrettán stigum á eftir toppliði Víkings og þar er helst að kenna vandræði liðsins að landa sigrum í Bestu deildinni síðustu vikur.

Íslandsmeistararnir úr Kópavoginum fögnuðu nefnilega síðast sigri í Bestu deildinni 25. maí síðastliðinn en síðan eru liðnir 43 dagar.

Þeir hafa jafnframt ekki unnið íslenskt félag í meira en mánuð eða síðan þeir slógu FH-inga út úr átta liða úrslitum Mjólkurbikarsins með 3-1 sigri 5. júní síðastliðinn.

Síðan hafa Blikarnir hafa meðal annars dottið út úr bikarnum eftir tap í vítakeppni í undanúrslitaleik á móti KA fyrir norðan.

Biðin eftir deildarsigri telur nú einn og hálfan mánuð en síðasti sigur liðsins í Bestu deildinni var 1-0 sigur á val á Kópavogsvellinum 25. maí síðastliðinn.

Frá þeim tíma hefur Blikaliðið spilað fjóra deildarleiki, gert þrjú jafntefli auk þess að tapaði 5-2 á móti HK í Kópavogslagnum.

Frá bikarsigrinum á móti FH 5. júní þá hefur Breiðabliksliðið spilað þrjá leiki í röð í deild og bikar án þess að ná að fagna sigri.

Blikar unnu reyndar tvo leiki á þessum tíma en þeir voru báðir stórsigrar í for-forkeppni í Meistaradeild UEFA og á móti Tre Penne (7-1) og Buducnost Podgorica (5-0).