Ver­stappen vann á Spáni og Mercedes minnti á sig

Sigur Verstappen kom fáum á óvart, yfirburðir hans á yfirstandandi tímabili hafa verið afar miklir en það var Mercedes sem stal senunni í keppni dagsins. 

Það er greinilegt að vinnan, sem liðsmenn Mercedes hafa sett í uppfærslur á bíl liðsins undanfarnar vikur,  er að skila sér. 

Keppnishraði Mercedes bílsins var virkilega góður og skilaði ökumönnum liðsins, þeim Lewis Hamilton og George Russell, í 2. og 3. sæti.

Sergio Perez, liðsfélagi Verstappen hjá Red Bull Racing, þurfti að sætta sig við 4. sæti. 

Verstappen leiðir stigakeppni ökumanna og er þar með 53 stiga forystu.