Engar viðvaranir eða innviðir eru á Arnarstapa þar sem banaslys varð í vikunni þegar maður féll fram af bjargbrún og niður í fjöruna. Talsvert skortir upp á öryggi á fjölförnum ferðamannastöðum á landinu segir formaður Félags leiðsögumanna.
Samtökin HIV Ísland blása til minningar og sáttastundar í Fríkirkjunni í dag í tilefni þess að 40 ár eru liðin frá fyrsta HIV smitinu á Íslandi. Framkvæmdastjóri samtakana segir stjórnvöld þurfa að gera upp fortíðina.
Bakgarðshlaup meistaranna stendur nú yfir í þýska smábænum Rettert, skammt utan við Frankfurt. Þau Mari Järsk og Þorleifur Þorleifsson, sem unnu bakgarsðhlaupið á Íslandi í október eru á meðal 35 keppenda í hlaupinu í Þýskalandi. Við hringjum til Þýskalands í hádegisfréttum, sem hefjast á slaginu 12.
