Innlent

Sonur Sigurðar Inga nýr skrif­stofu­stjóri Fram­sóknar

Bjarki Sigurðsson skrifar
Sigurður Ingi Jóhannsson og sonur hans, Jóhann H. Sigurðsson.
Sigurður Ingi Jóhannsson og sonur hans, Jóhann H. Sigurðsson. Vísir/Arnar/Framsókn

Jóhann H. Sigurðsson hefur verið ráðinn skrifstofustjóri Framsóknarflokksins. Jóhann er sonur Sigurðar Inga Jóhannssonar, formanns flokksins. Tekur hann við af Teiti Erlingssyni sem er að taka við sem aðstoðarmaður mennta- og barnamálaráðherra. 

Síðustu ár hefur Jóhann starfað meðfram námi í forsætisráðuneytinu og hjá Bezzerwizzer í Kaupmannahöfn. Hann er með B.A.-gráðu í stjórnmálafræði með viðskiptafræði sem aukagrein frá Háskóla Íslands en síðustu tvö ár hefur hann stundað nám í alþjóðlegum stjórnmálum og opinberri stjórnsýslu við Háskólann í Hróarskeldu. 

Jóhann hefur verið virkur þátttakandi í starfi Framsóknarflokksins um árabil, meðal annars sem miðstjórnarfulltrúi og stjórnarmeðlimur.

Framsóknarflokkurinn Vistaskipti

Mest lesið


Fleiri fréttir

Sjá meira


×

Mest lesið