Tryggvi sjö­tti Vals­maðurinn sem nær að vera marka­hæstur í Evrópu­leik í vetur

Evrópukeppnin hefur vakið athygli á Valsliðinu og ekki síst leikmönnum liðsins sem hafa nýtt þennan glugga vel.

Það sést vel á því að sex leikmenn liðsins náðu að verða markahæstir í að minnsta kosti einum leik í Evrópudeildinni.

Sá síðasti til að bætast hópinn var hinn ungi Tryggvi Garðar Jónsson sem fór á kostum í Göppingen í gær þegar hann skoraði ellefu mörk úr sautján skotum.

Leikmennirnir sem náðu að vera markahæstir eru línumaðurinn Þorgils Jón Svölu Baldursson, hægri skyttan Arnór Snær Óskarsson, leikstjórnandinn Benedikt Gunnar Óskarsson, vinstri hornamaðurinn Stiven Tobar Valencia, vinstri skyttan Magnús Óli Magnússon og vinstri skyttan Tryggvi Garðar.