Báðir synirnir í franska landsliðinu

Thuram spilaði á sínum tíma 142 leiki fyrir franska landsliðið og varð bæði heims- og Evrópumeistari með liðinu.

Hinn 21 árs gamli Khéphren Thuram var valinn í hópinn í fyrsta sinn en áður hafði eldri bróðir hans Marcus verið í liðinu.

Khéphren spilar sem miðjumaður hjá Nice en hann er á sínu fjórða tímabili með liðinu.

Marcus er fjórum árum eldri en hann spilar sem framherji eða vinstri kantmaður hjá þýska liðinu Borussia Mönchengladbach.

Marcus hefur þegar leikið níu leiki með A-landsliði Frakka en hafði áður leikið fjörutíu leiki fyrir yngri landsliðin.

Khéphren hafði leikið 43 leiki fyrir yngri landslið Frakka þar af tíu leiki fyrir 21 árs landsliðið.

Lilian Thuram á báða strákana með fyrstu konu sinni Söndru en þeir komu í heiminn á Ítalíu þegar hann lék með Parma.