Ætla að verða næst stærstir á eftir Megadeath

Hljómsveitin var stofnuð í Vestmannaeyjum árið 2017 af þeim Arnari Júlíussyni, Trausta Mar Sigurðarsyni, Mikael Magnússyni og Birgi Þór Bjarnasyni. Tónlistinni lýsa þeir sem blöndu af þrass-, dauða- og grúvmetali og á stefnuskrá sveitarinnar er að verða næst stærsta hljómsveit í heimi sem byrjar á „M“ en hljómsveitin Megadeath eigi titilinn „sú stærsta“ að þeirra mati.

Danni Dæmalausi, útvarpsmaður á X977 tók sveitina tali um lagið þeirra, Faster Burns the Fuse, sem fjallar um ástandið í heiminum undanfarin tvö ár. Textann segja þeir vera niðurdrepandi en lagið agressíft. 

Merkúr gaf út plötuna Melancholia árið 2022

Útslitalög Sykurmolans eru í spilun á X977

Lögin sem komust í úrslit Sykurmolans eru í spilun á X977 út janúar, þau lög eru:

• Karma Brigade – Alive
• Winter Leaves – Feel
• Bucking Fastards – Don Coyote
• Beef – Góði hirðirinn
• Blankíflúr & Jerald Coop – Modular Heart
• Auður Linda – I´m Not The One
• Merkúr – Faster Burns The Fuse
• Sóðaskapur – Mamma ver

Í byrjun febrúar fer svo fram kosning, hér á Vísi, sem mun eiga þátt í því að ráða hvaða listafólk hlýtur hvorki meira né minna en 250.000 kr. í verðlaun.

Keppnin í ár er haldin í samstarfi við Orku náttúrunnar