25 ára fótboltamaður úr MLS deildinni dó í bátaslysi

Leikmaðurinn heitir Anton Walkes og var aðeins 25 ára gamall. Hann fæddist í febrúar 1997.

Walkes fannst meðvitundarlaus og var fluttur á sjúkrahús eftir að tveir bátar rákust saman. Það tókst ekki að bjarga lífi hans.

Walkes stýrði öðrum bátnum en það var ekki vitað hvort eða hversu margir aðrir slösuðust í þessu slysi sem varð rétt hjá Miami Marine Stadium. Slysið varð um miðjan dag.

Charlotte FC hefur staðfest andlát Walkes sem og MLS deildin.

Walkes kom til Charlotte FC fyrir fyrsta tímabili félagsins í MLS-deildinni 2022. Hann spilaði í 23 leikjum og var 21 sinni í byrjunarliði.

Walkes er frá London og kom upp í gegnum akademíu Tottenham Hotspur. Hann spilaði með Portsmouth áður en hann færði sig yfir til Bandaríkjanna og spilaði þar fyrir með liði Atlanta United.