Fyrsta þjálfarastarfið á Ítalíu

Cole er á meðal bestu bakvarða sögunnar og gerði það gott með Arsenal og Chelsea auk þess að leik fyrir Roma á Ítalíu og Los Angeles Galaxy í Bandaríkjunum á síðari stigum leikmannaferilsins.

Hann hefur lagt stund á þjálfun undanfarin ár. Hann var aðstoðarþjálfari Frank Lampard hjá bæði Chelsea og Everton og var þá aðstoðarþjálfari Wayne Rooney hjá Birmingham City. Þá hefur hann einnig verið í þjálfarateymi A-landslið og U21 landsliðs Englands á síðustu árum.

Hann tekur nú skrefið í aðalþjálfarastólinn og mun stýra Cesena út leiktíðina. Cesena situr í áttunda sæti ítölsku B-deildarinnar með 40 stig eftir 30 leiki.