Vaktstjóri hjá Brunavörnum Rangárvallasýslu segir í samtali við fréttastofu að ferðalangar hafi séð opinn eld og hringt á slökkviliðið. Þeir hafi að sjálfsögðu brugðist skjótt við og ræst út mannskap. Á miðri leið hafi þó verið ljóst að engin hætta væri á ferðum.
Vaktstjóri segir slíkar tilkynningar ekki algengar en komi þó fyrir, gleymi menn að óska eftir leyfi fyrir brennu. Slökkviliðið heldur því heim á leið og málið fer yfir til lögreglu.
