„Það er eiginlega sama hvort það séu 100 Íslendingar í stúkunni eða 1.500. Það er einhver stemning og orka sem Íslendingar ná að búa til. Ég hef ekki séð frá mörgum öðrum þjóðum. Þetta var ógeðslega gaman.“
Bjarki segir að það hafi óneitanlega verið léttir að vinna fyrsta leikinn svo framhaldið verði þægilegra.
„Við vissum að þetta yrði ógeðslega erfitt. Mikill léttir að taka stigin og nú er annar úrslitaleikur fram undan. Ungverjaleikurinn verður mjög erfiður en við erum með sjálfstraust, skrekkurinn er farinn og erum með höllina með okkur.“
