Elliði Snær Viðarsson og Hákon Daði Styrmisson voru markahæstu leikmenn Gummersbach þegar liðið vann þriggja marka útisigur á Hamm í kvöld, lokatölur 31-34.
Elliði Snær skoraði sjö mörk og gaf eina stoðsendingu á meðan Hákon Daði skoraði sex mörk og gaf eina stoðsendingu.
Magdeburg átti ekki í neinum vandræðum með Bergischer í kvöld, lokatölur 43-31 Þýskalandsmeisturunum í vil.
Gísli Þorgeir Kristjánsson skoraði sex mörk og gaf hvorki meira né minna en níu stoðsendingar. Ómar Ingi Magnússon skoraði sex mörk og af fjórar stoðsendingar. Arnór Þór Gunnarsson skoraði þrjú mörk í liði Bergischer.
Halbzeit im DHB Pokal Achtelfinale
— SC Magdeburg (@SCMagdeburg) December 21, 2022
Wir führen mit 22:16 gegen den Bergischen HC.
_____
I #scmhuja I Franzi Gora pic.twitter.com/487c1TAB2r
Ýmir Örn Gíslason og liðsfélagar hans í Rhein-Neckar Löwen unnu góðan sigur á Melsungen, lokatölur 36-28. Ýmir Örn skoraði ekki en tók vel á því í vörninni að venju.
Elvar Örn Jónsson skoraði sex mörk og gaf eina stoðsendingu fyrir Melsungen. Þá skoraði Arnar Freyr Arnarsson tvö mörk fyrir Melsungen.