Southgate hefur stýrt enska landsliðinu frá því í október 2016. Undir hans stjórn enduðu Englendingar í 4. sæti á HM 2018 og 2. sæti á EM 2021.
Englendingar eru líka komnir í átta liða úrslit HM í Katar eftir 3-0 sigur á Senegölum. Enska liðið mætir heimsmeisturum Frakklands á laugardagskvöldið.
Samningur Southgates við enska knattspyrnusambandið rennur út eftir EM 2024 en framtíð hans er í óvissu. Enskir fjölmiðlar greina samt frá því að enska knattspyrnusambandið vilji halda Southgate í starfi sama þótt England tapi fyrir Frakklandi á laugardaginn.
Hinn 52 ára Southgate hefur stýrt enska landsliðinu í áttatíu leikjum. Liðið hefur unnið 49 þeirra, gert átján jafntefli og tapað þrettán.
