Handbolti

Haukar í basli eftir tap á Kýpur

Runólfur Trausti Þórhallsson skrifar
Stefán Rafn Sigurmannsson skoraði sex mörk í dag.
Stefán Rafn Sigurmannsson skoraði sex mörk í dag. VÍSIR/HULDA MARGRÉT

Handknattleikslið Hauka tapaði með fjögurra marka mun fyrir Anorthosis frá Kýpur í 2. umferð EHF Evrópubikarkeppninnar í handbolta í dag, lokatölur 26-22 heimamönnum í vil. Liðin mætast aftur í Kýpur á morgun og þurfa Haukar að vinna með fimma marka mun til að komast áfram.

Eftir góða byrjun heimaliðsins komust Haukar inn í leikinn og var staðan jöfn 12-12 í hálfleik. Í síðari hálfleik var allt jafnt framan af en í stöðunni 18-18 skoraði Anorthosis þrjú mörk í röð og eftir það var í raun aldrei spurning hvoru megin sigurinn myndi enda.

Munurinn fór mest upp í sex mörk en á endanum vann heimaliðið fjögurra marka sigur, lokatölur 26-22. Það er því ljóst að Haukar eiga á brattann að sækja í leik morgundagsins.

Adam Haukur Baumruk og Stefán Rafn Sigurmannsson voru markahæstir í liði Hauka með sex mörk hvor.

Handbolti EHF-bikarinn Haukar

Mest lesið


Fleiri fréttir

Sjá meira


×

Mest lesið