Á fimmta tug fulltrúa Íslands á COP27

Viktor Örn Ásgeirsson og Atli Ísleifsson skrifa 5. nóvember 2022 08:00

Antonio Guterres framkvæmdastjóri Sameinuðu þjóðanna ræddi loftslagsvandann í tilefni COP27 í vikunni. Getty/Radin

Fjörutíu og fjórir Íslendingar halda til Egyptalands í næstu viku til að sækja aðildarríkjafund Loftslagssamning Sameinuðu þjóðanna (COP27). Svandís Svavarsdóttir matvælaráðherra fer fyrir hönd íslenskra stjórnvalda og Guðlaugur Þór Þórðarson, umhverfis-, orku- og loftslagsráðherra ávarpar viðburðinn í gegnum streymi.

Sendinefnd Íslands er skipuð sautján einstaklingum, úr umhverfis-, orku- og loftslagsráðuneytinu, utanríkisráðuneytinu, matvælaráðuneytinu, Umhverfisstofnun og Orkustofnun. Fulltrúi úr Ungum umhverfissinnum fékk einnig styrk til að fara á loftslagsráðstefnuna.

Þá fara fimm alþingismenn fyrir hönd Íslands; þau Logi Einarsson, Bergþór Ólason, Gísli Rafn Ólafsson, Arna Bang og Vilhjálmur Árnason. Carbfix sendir fjóra fulltrúa og Ólafur Ragnar Grímsson mætir fyrir hönd Artic Circle.

Að neðan má sjá þá sem fara á COP27 frá Íslandi (upplýsingarnar eru fengnar frá umhverfis-, loftslags- og orkumálaráðuneytinu):

Íslenska sendinefndin:

Svandís Svavarsdóttir matvælaráðherra
Helga Barðadóttir, formaður íslensku sendinefndarinnar, umhverfis-, loftslags- og orkumálaráðuneyti
Halla Sigrún Sigurðardóttir, umhverfis-, loftslags- og orkumálaráðuneyti
Magnús Agnesar- Sigurðsson, umhverfis-, loftslags- og orkumálaráðuneyti
Anna Sigurveig Ragnarsdóttir, umhverfis-, loftslags- og orkumálaráðuneyti
Vanda Úlfrún Liv Hellsing, umhverfis-, loftslags- og orkumálaráðuneyti
Steinar Ingi Kolbeinsson, umhverfis-, loftslags- og orkumálaráðuneyti
Benedikt Höskuldsson, utanríkisráðuneyti
Elín Rósa Sigurðardóttir, utanríkisráðuneyti
Halla Hrund Logadóttir, orkumálastjóri, Orkustofnun
Sigurður Ingi Friðleifsson, Orkustofnun
Jón Ásgeir Haukdal, Orkustofnun
Nicole Keller, Umhverfisstofnun
Elva Rakel Jónsdóttir, Umhverfisstofnun
Björn Helgi Barkarsson, matvælaráðuneyti
Berglind Häsler, matvælaráðuneyti
Finnur Ricart Andrason, Ungir umhverfissinnar

Aðrir:

Anna Hulda Ólafsdóttir, Veðurstofan
Justine Vanhalst, Matís
Steffi Meisl, Háskóli Íslands

Alþingi

Vilhjálmur Árnason, þingmaður Sjálfstæðisflokks
Arna Bang, sérfræðingur í alþjóðamálum hjá Alþingi
Logi Einarsson, þingmaður Samfylkingarinnar
Bergþór Ólason, þingmaður Miðflokksins
Gísli Rafn Ólafsson, þingmaður Pírata

Frjáls félagasamtök:

Tinna Hallgrímsdóttir, Ungir umhverfissinnar
Egill Hermannsson, Ungir umhverfissinnar
Árni Finnsson, Náttúruverndarsamtök Íslands
Auður Önnu Magnúsdóttir, Landvernd

Fulltrúar atvinnulífs:

Kamma Thordarson, Grænvangur
Nótt Thorberg Bergsdóttir, Grænvangur
Edda Sif Pind Aradóttir, Carbfix
Ólafur Teitur Guðnason, Carbfix
Bergur Sigfusson, Carbfix
Sandra Ósk Snæbjörnsdóttir, Carbfix
Haraldur Hallgrímsson, Landsvirkjun
Sigurður Hannesson, Samtök iðnaðarins
Sigríður Mogensen, Samt0k iðnaðarins
Lárus Michael K. Ólafsson, Samtök iðnaðarins
Ólafur Ragnar Grímsson, Hringborð norðurslóða
Dagfinnur Sveinbjörnsson, Hringborð norðurslóða
Ari Helgason, Transition Global
Kjartan Olafsson, Transition Labs
Kristinn Hróbjartsson, Running Tide
Guðbjörg Rist Jónsdóttir, Atmonia
Guðmundur Sigurbergsson, International Carbon Registry

Ath. að listinn kann að taka einhverjum breytingum, þar sem ekki er útilokað að einhverjir sem hafa skráð sig (t.d. fulltrúar fyrirtækja og félagasamtaka) hætti við og eins getur líka fjölgað í hópnum þar sem skráning er opin á meðan á fundi stendur.

Ráðstefnan stendur yfir frá 6.-18. nóvember í Sharm El Sheikh og er ráðgert að um tuttugu þúsund manns taki þátt. Ísland styður nú í fyrsta sinn Aðlögunarsjóðinn með framlögum og þá hafa framlög Íslands til Græna loftslagssjóðsins verið aukin.

Íslensk stjórnvöld leggja áherslu á að ekki verði vikið frá markmiði Parísarsamningsins um að halda hlýnun jarðar frá iðnbyltingu innan við 1,5 gráðu á selsíus. Samkvæmt nýrri skýrslu Umhverfisstofnunar Sameinuðu þjóðanna munu núverandi loforð ríkja um samdrátt í losun ekki duga til að markmiðið náist, að því er fram kemur í tilkynningu frá matvælaráðuneytinu.

Loftslagsmál Loftslagsráðstefna Sameinuðu þjóðanna (COP) Umhverfismál

Tengdar fréttir

Sleppir loftslagsráðstefnunni og ýtir embættismönnum úr stjórninni

Rishi Sunak, nýr forsætisráðherra Bretlands, ætlar ekki að taka þátt í loftslagsráðstefnu Sameinuðu þjóðanna í Egyptalandi í næsta mánuði. Tilkynningin kemur í kjölfar þess að hann ýtti bæði forseta ráðstefnunnar og loftslagsráðherranum út úr ríkisstjórninni.

28. október 2022 07:34

Stefnir í tveggja og hálfrar gráðu hlýnun á meðan ríki draga lappirnar

Útlit er fyrir að hnattræn hlýnun nái tveimur og hálfri gráðu fyrir lok aldarinnar ef ríki heims auka ekki metnað sinn í að draga úr losun gróðurhúsalofttegunda. Það er heilli gráðu meira en stefnt er að með Parísarsamkomulaginu til þess að forðast verstu afleiðingar loftslagsbreytinga.

26. október 2022 08:42

Konungurinn heldur sig heima eftir ráðleggingar forsætisráðherrans

Karl Bretlandskonungur mun ekki sækja loftslagsráðstefnu Sameinuðu þjóðanna, COP27, sem fram fer í Egyptalandi í næsta mánuði. Ástæðan er sú að forsætisráðherra Bretlands ráðlagði honum að fara ekki.

2. október 2022 16:28

Mest lesið

Fleiri fréttir