Elías hélt hreinu en Hákon sá rautt

Ísak Bergmann Jóhannesson var hvíldur í sigri FCK á meðan Orri Steinn Óskarsson og Hákon Arnar Haraldsson voru í byrjunarliði FCK en sá síðarnefndi var rekinn af velli á 81. mínútu þegar hann fékk tvö gul spjöld á 11 mínútna kafla. Orri Steinn lék allan leikinn.

Mads Freundlich skoraði fyrsta mark leiksins fyrir Horbro strax á 4. mínútu áður en Davit Khocholava jafnaði fyrir FCK á 66. mínútu. Ekki voru fleiri mörk skoruð í venjulegum leiktíma né í framlengingu og því þurfti vítaspyrnukeppni til að skera um sigurvegara.

FCK vann vítaspyrnukeppnina en leikmenn liðsins skoruðu úr öllum fimm spyrnum sínum á meðan Louicius Deedson, leikmaður Hobro, klikkaði á sinni spyrnu.

Elías Rafn, markvörður Midtjylland, lék allan leikinn þegar Midtjylland vann auðveldan 0-6 útisigur á FA 2000. Sory Kaba, Stefan Gartenmann, Gustav Christensen og Edward Chilufya skoruðu mörk Midtjylland ásamt tveimur mörkum frá hinum brasilíska Evander.

Aron Sigurðarson var svo í byrjunarliði Horsens sem 1-2 útisigur á Horsholm-Usserod. Aron lék í 59 mínútur fyrir Horsens en Lirim Qamili og Samson Iyede skoruðu mörk Horsens í leiknum.

Sigrarnir þýða að Íslendingaliðin Horsens, Midtjylland og FC Kaupmannahöfn verða öll með í 16-liða úrslitum danska bikarsins.