Innlent

Hættustigi lýst yfir á Norðurlandi eystra og Austurlandi

Ólafur Björn Sverrisson skrifar
Úrkomuspá klukkan 5 á morgun, sunnudag.
Úrkomuspá klukkan 5 á morgun, sunnudag.

Ríkislögreglustjóri hefur, í samráði við lögreglustjóra Norðurlands vestra og Austurlands lýst yfir hættustigi vegna veðurspár á morgun, sunnudaginn 9. október.

Búist er við miklu ó­veðri fyrir norðan og austan á morgun. Almannavarnir hafa lýst yfir óvissustigi á öðrum landshlutum.

Almannavarnir hvetja fólk til að fylgjast vel með veðurspám og upplýsingum um ástand vega.

Vestfirðir – Óvissustig Almannavarna vegna veðurs og hugsanlegra samgöngutruflana (Appelsínugul veðurviðvörun).

Norðurland vestra - Óvissustig Almannavarna vegna veðurs, mikillar úrkomu og hugsanlegra samgöngutruflana (Appelsínugul veðurviðvörun).

Norðurland eystra – Hættustig Almannavarna vegna veðurs, mikillar úrkomu og hugsanlegra samgöngutruflana (Rauð veðurviðvörun).

Austurland – Hættustig Almannavarna vegna veðurs, mikillar úrkomu og hugsanlegra samgöngutruflana (Rauð veðurviðvörun).

Suðurland – Óvissustig Almannavarna vegna hvassviðris og hugsanlegra samgöngutruflana (Appelsínugul veðurviðvörun).

Fólk sem hugar að ferðalögum á þessum landshlutum er hvatt til þess að fylgjast vel með veðurspám á www.vedur.is og upplýsingum um ástandi vega www.vegagerdin.is og www.safetravel.is

Þar sem spár Veðurstofu gera ráð fyrir mikilli úrkomu er fólk sérstaklega hvatt til að huga að ræsum og niðurföllum til að forðast vatnstjón.

Veður Almannavarnir

Mest lesið


Fleiri fréttir

Sjá meira


×

Mest lesið