Sony sýndi í gærkvöldi aðra stiklu leiksins God of War Ragnarök frá Santa Monica studios. Stiklan varpaði ljósi á áframhaldandi baráttu gríska stríðsguðsins Kratos við norrænu guðina og þar á meðal Óðin, Freyju og Þór.
Fyrri stiklan sem sýnd var í fyrra fjallaði um það að Kratos og Atreus/Loki ætluðu sér að leita að Tý, sem ku vera týndur. Þessi stikla snýr meira að sögu leiksins og átökum þeirra feðga við norræna guði.
Leikurinn kemur út þann níunda nóvember.
Auk þess sýndi Sony stiklu fyrir nýja og sérstaka God of War fjarstýringu.
Stikla God of War var sýnd á State of Play-sýningu Sony í gærkvöldi og voru fjölmargar aðra stiklur birtar í gær. Þær má sjá hér að neðan.
Nú þegar enn eitt árið er að hefjast er vert að taka stöðuna í tölvuleikjaheimum og velta vöngum yfir því sem von er á. Þar er um ansi mikið að ræða og er útlit fyrir að þó nokkrir leikir sem verða að teljast stórir líti dagsins ljós.
Sony hélt PlayStation kynningu í gær þar sem fjölmargir leikir sem verið er að framleiða voru kynntir og opinberaðir. Viðburðurinn kallast PlayStation Showcase 2021 og þar voru kynntir nýir leikir og þó nokkrar endurgerðir.
Í stuttu máli sagt þá er God of War geggjaður leikur.
