Arthur sagði strax já við Liverpool

Félagaskiptafréttamaðurinn Fabrizio Romano er á meðal þeirra sem greint hafa frá því að Arthur sé á leið til Liverpool, að láni frá Juventus.

Romano segir að Arthur hafi strax sagt já við því að fara til Liverpool. Hins vegar er aðeins um lánssamning að ræða og er engin klásúla um kaup að leiktíðinni lokinni.

Arthur hefur spilað með Juventus síðustu tvær leiktíðir en var áður hjá Barcelona í tvö ár, eftir að hafa komið til Spánar frá Gremio í Brasilíu. Hann er fjölhæfur miðjumaður sem á að baki á þriðja tug landsleikja fyrir Brasilíu.