Fótbolti

Svava kom inn af bekknum er Brann tryggði sér sæti í umspili

Hjörtur Leó Guðjónsson skrifar
Svava Rós kom inn af varamannabekknum í kvöld.
Svava Rós kom inn af varamannabekknum í kvöld. Brann

Svava Rós Guðmundsdóttir lék seinustu 25 mínútur leiksins fyrir norska liðið Brann er liðið tryggði sér sæti í umspili um laust sæti í riðlakeppi Meistaradeildar Evrópu með 3-1 sigri gegn serbneska liðinu Subotica.

Berglind Björg Þorvaldsdóttir var einnig í leikmannahópi Brann, en hún kom ekki við sögu í leiknum.

Norska liðið fór með 2-0 forystu inn í hálfleikinn eftir að liðið skoraði tvö mörk með stuttu millibili eftir rúmlega tuttugu mínútna leik.

Liðið bætti svo þriðja markinu við snemma í síðari hálfleik áður en þær serbnesku minnkuðu muninn á 72. mínútu og þar við sat.

Niðurstaðan því 3-1 sigur Brann og liðið er á leið í umspil um sæti í riðlakeppni Meistaradeildar Evrópu.

Meistaradeild Evrópu í fótbolta kvenna

Mest lesið


Fleiri fréttir

Sjá meira


×

Mest lesið