Gylfi mætti spila fótbolta hvar sem er en gæti þurft að bíða niðurstöðu lengi enn Sindri Sverrisson skrifar 17. ágúst 2022 09:01 Gylfi Þór Sigurðsson faðmar frænku sína, Karólínu Leu Vilhjálmsdóttur, eftir leik Íslands og Frakklands á EM í júlí. vísir/vilhelm Nú þegar þrettán mánuðir eru liðnir frá því að knattspyrnumaðurinn Gylfi Þór Sigurðsson var handtekinn, grunaður um kynferðisbrot gegn ólögráða ungmenni, er enn óljóst hver niðurstaða málsins verður. Biðin eftir niðurstöðu gæti enn verið talin í árum. Farbanni Gylfa lauk fyrir mánuði síðan og lögreglan í Manchester verst allra frekari fregna af stöðu máls hans. Páll Kristjánsson, lögfræðingur og formaður knattspyrnudeildar KR, segir ljóst að nú sé þess aðeins beðið hvort að ákæra verði gefin út í málinu eða ekki. Sú bið geti hins vegar orðið mjög löng en að þangað til sé Gylfa í raun frjálst að spila fótbolta hvar sem það bjóðist. „Farbannið er fallið niður og hann má því spila fótbolta hvar sem hann vill í heiminum. Svo er annað mál hvort að eitthvert félag vilji semja við hann,“ segir Páll. Rétt er þó að taka fram að ekki hefur fengist staðfest hjá lögreglu að farbannið hafi fallið niður en í öll þau skipti sem það hefur verið framlengt hingað til hefur hún staðfest það. Nýtt félag þyrfti að sætta sig við og semja um óvissuna Samningur Gylfa við Everton rann út í lok júní. Óljós orðrómur var um það í sumar í tyrkneskum miðlum að Galatasaray hefði gert honum tilboð. „Verði hann ákærður þarf hann að mæta fyrir dóm og svara til saka. Niðurstaða í slíku máli mun hafa veruleg áhrif, enda yrði þá tekist á um sekt eða sýknu. Sem stendur er Gylfa hins vegar frjálst að semja við hvaða félag sem er en félagið þarf að sætta sig við og semja um þessa óvissu,“ segir Páll. Gylfi, sem er 32 ára gamall, hefur að mestu haldið sig til hlés frá því að hann var handtekinn en lét þó sjá sig á leikjum Íslands á EM kvenna í síðasta mánuði. Að öðru leyti er lítið vitað um stöðu máls hans. Vísir leitaði álits lögfræðings á stöðu málsins og segir Páll að miðað við önnur kynferðisbrotamál virðist það í nokkuð hefðbundnum farvegi. Ekki óvenjulegur afgreiðslutími „Ef þetta væri íslenskt mál þá væri þetta alla vega ekkert óeðlilegur afgreiðslutími á máli þótt deila megi um það hvort hann sé ásættanlegur. Ég held að meðalafgreiðslutími í kynferðisbrotamálum hjá embætti Héraðssaksóknara sé í kringum 170 dagar, og á þá eftir að taka tilit til rannsóknar lögreglu og meðferðar hjá dómstólum. Sakborningar og brotaþolar bíða þá bara í von og óvon, eins og virðist vera í þessu máli Gylfa,“ segir Páll. Gylfi var á sínum tíma úrskurðaður í farbann sem svo var endurtekið framlengt þar til að því lauk fyrir mánuði síðan og hefur lögregla ekki tjáð sig um stöðu málsins síðan. Páll varar við að lesa of mikið í aðgerðir lögreglunnar enda lítið vitað um málsatvik og lögreglan verst frétta. Hins vegar hafi ekki verið gripið til alvarlegustu þvingungarúrræða í máli Gylfa, eins og til dæmis gæsluvarðhalds, og kunni það að veita einhverjar vísbendingar. Það var til að mynda gert í máli annars knattspyrnumanns, Benjamins Mendy, sem nú er réttað yfir vegna gruns um átta nauðganir og fleiri kynferðisbrot. Hins vegar sé ómögulegt að segja til um hugsanlegan refsiramma vegna meints brots Gylfa þar sem ekki sé vitað nákvæmlega hvers eðlis málið sé. „En sú staðreynd hann sé laus úr farbanni og lögreglan telji ekki nauðsynlegt að tryggja nærveru hans lengur inn refsilögsögunnar gefur ágætis fyrirheit fyrir Gylfa um hverjar lyktir endanlega verða.“ Segir biðina enn geta lengst um ár eða tvö Ýmsir hafa furðað sig á því hve langan tíma málið tekur en Páll bendir á að biðin eftir niðurstöðu geti enn verið talin í árum. „Þegar þvingunaraðgerðum er beitt, eins og farbanni og gæsluvarðhaldi, þá vill lögreglan vinna eins mikla rannsóknarvinnu og hægt er á þeim tímapunkti. Eftir það er það bara svo algengt að mál „sofni“ hjá ákærusviðinu, þannig að það gæti enn þurft að bíða heillengi eftir niðurstöðu. Rannsóknin sem slík rýfur fyrningu, svo að málið fyrnist ekki á meðan það er í þessum farvegi. Ég held að það sé alveg vonlaust að segja til um hversu löng biðin verður í viðbót. Við gætum þurft að bíða 1-2 ár enn,“ segir Páll. Fótbolti Mál Gylfa Þórs Sigurðssonar Landsliðsmenn sakaðir um kynferðisofbeldi Mest lesið Nýja Liverpool stjarnan fær sultarlaun Enski boltinn Hætti við að giftast fótboltastjörnunni af því að allt var skráð á móður hans Fótbolti Landsliðsþjálfarinn vissi ekkert um útspil Haaland Fótbolti Mourinho rekinn frá Fenerbahce Fótbolti Fyrsta skrefið í átt að því að leysa Isak málið Enski boltinn Æxli í nýra Ólympíumeistarans Sport Uppgjör: Virtus-Breiðablik 1-3 | Blikar lönduðu öllum milljónunum Fótbolti Sendi Albert inn á í hálfleik þegar útlitið var orðið svart Fótbolti Solskjær rekinn eftir tapið í kvöld Fótbolti Fall vonandi fararheill hjá strákunum: Myndaveisla frá Ísraelsleiknum Körfubolti Fleiri fréttir Mourinho rekinn frá Fenerbahce Mainoo vill fara á láni Nýja Liverpool stjarnan fær sultarlaun Hætti við að giftast fótboltastjörnunni af því að allt var skráð á móður hans Fyrsta skrefið í átt að því að leysa Isak málið Landsliðsþjálfarinn vissi ekkert um útspil Haaland Uppgjör: Virtus-Breiðablik 1-3 | Blikar lönduðu öllum milljónunum Solskjær rekinn eftir tapið í kvöld Chelsea búið að kaupa Garnacho Sendi Albert inn á í hálfleik þegar útlitið var orðið svart Uppgjör Tindastóll-Víkingur 1-5 | Víkingskonur upp um þrjú sæti Uppgjörið: FH - Þróttur 3-0 | FH náði í þrjú mikilvæg stig með sigri gegn Þrótti Sverrir fagnaði á móti Loga Daníel Tristan hélt upp á landsliðssætið með stæl Crystal Palace rétt slapp inn í Sambandsdeildina Elías Rafn hélt aftur hreinu og liðið flaug inn í Evrópudeildina Svona var drátturinn í Meistaradeild Evrópu Segja að þjálfari Hlínar hafi verið rekinn nokkrum dögum fyrir mót Hálfur milljarður og Evrópuleikir fram að jólum í húfi fyrir Blika Messi skaut Inter Miami í úrslitaleikinn Fantasýn: Varar fólk við Richarlison Annað sætið raunhæft markmið í undankeppni HM Neyðarleg tölfræði Onana í vítakeppninni Amorim gagnrýndur fyrir að horfa ekki á vítakeppnina Fantasýn ræðir framtíð Wirtz: Blóðugur upp fyrir haus að pumpa í hann lífi „Við vorum algjörlega týndir“ „Ég er ekki Hitler“ United banarnir drógust á móti Leeds bönunum Eitt vandræðalegasta kvöldið í sögu Manchester United Uppgjörið: Valur - Braga 1-3 | Valskonur töpuðu og mæta Ceciliu Rán og Karólínu Leu Sjá meira
Farbanni Gylfa lauk fyrir mánuði síðan og lögreglan í Manchester verst allra frekari fregna af stöðu máls hans. Páll Kristjánsson, lögfræðingur og formaður knattspyrnudeildar KR, segir ljóst að nú sé þess aðeins beðið hvort að ákæra verði gefin út í málinu eða ekki. Sú bið geti hins vegar orðið mjög löng en að þangað til sé Gylfa í raun frjálst að spila fótbolta hvar sem það bjóðist. „Farbannið er fallið niður og hann má því spila fótbolta hvar sem hann vill í heiminum. Svo er annað mál hvort að eitthvert félag vilji semja við hann,“ segir Páll. Rétt er þó að taka fram að ekki hefur fengist staðfest hjá lögreglu að farbannið hafi fallið niður en í öll þau skipti sem það hefur verið framlengt hingað til hefur hún staðfest það. Nýtt félag þyrfti að sætta sig við og semja um óvissuna Samningur Gylfa við Everton rann út í lok júní. Óljós orðrómur var um það í sumar í tyrkneskum miðlum að Galatasaray hefði gert honum tilboð. „Verði hann ákærður þarf hann að mæta fyrir dóm og svara til saka. Niðurstaða í slíku máli mun hafa veruleg áhrif, enda yrði þá tekist á um sekt eða sýknu. Sem stendur er Gylfa hins vegar frjálst að semja við hvaða félag sem er en félagið þarf að sætta sig við og semja um þessa óvissu,“ segir Páll. Gylfi, sem er 32 ára gamall, hefur að mestu haldið sig til hlés frá því að hann var handtekinn en lét þó sjá sig á leikjum Íslands á EM kvenna í síðasta mánuði. Að öðru leyti er lítið vitað um stöðu máls hans. Vísir leitaði álits lögfræðings á stöðu málsins og segir Páll að miðað við önnur kynferðisbrotamál virðist það í nokkuð hefðbundnum farvegi. Ekki óvenjulegur afgreiðslutími „Ef þetta væri íslenskt mál þá væri þetta alla vega ekkert óeðlilegur afgreiðslutími á máli þótt deila megi um það hvort hann sé ásættanlegur. Ég held að meðalafgreiðslutími í kynferðisbrotamálum hjá embætti Héraðssaksóknara sé í kringum 170 dagar, og á þá eftir að taka tilit til rannsóknar lögreglu og meðferðar hjá dómstólum. Sakborningar og brotaþolar bíða þá bara í von og óvon, eins og virðist vera í þessu máli Gylfa,“ segir Páll. Gylfi var á sínum tíma úrskurðaður í farbann sem svo var endurtekið framlengt þar til að því lauk fyrir mánuði síðan og hefur lögregla ekki tjáð sig um stöðu málsins síðan. Páll varar við að lesa of mikið í aðgerðir lögreglunnar enda lítið vitað um málsatvik og lögreglan verst frétta. Hins vegar hafi ekki verið gripið til alvarlegustu þvingungarúrræða í máli Gylfa, eins og til dæmis gæsluvarðhalds, og kunni það að veita einhverjar vísbendingar. Það var til að mynda gert í máli annars knattspyrnumanns, Benjamins Mendy, sem nú er réttað yfir vegna gruns um átta nauðganir og fleiri kynferðisbrot. Hins vegar sé ómögulegt að segja til um hugsanlegan refsiramma vegna meints brots Gylfa þar sem ekki sé vitað nákvæmlega hvers eðlis málið sé. „En sú staðreynd hann sé laus úr farbanni og lögreglan telji ekki nauðsynlegt að tryggja nærveru hans lengur inn refsilögsögunnar gefur ágætis fyrirheit fyrir Gylfa um hverjar lyktir endanlega verða.“ Segir biðina enn geta lengst um ár eða tvö Ýmsir hafa furðað sig á því hve langan tíma málið tekur en Páll bendir á að biðin eftir niðurstöðu geti enn verið talin í árum. „Þegar þvingunaraðgerðum er beitt, eins og farbanni og gæsluvarðhaldi, þá vill lögreglan vinna eins mikla rannsóknarvinnu og hægt er á þeim tímapunkti. Eftir það er það bara svo algengt að mál „sofni“ hjá ákærusviðinu, þannig að það gæti enn þurft að bíða heillengi eftir niðurstöðu. Rannsóknin sem slík rýfur fyrningu, svo að málið fyrnist ekki á meðan það er í þessum farvegi. Ég held að það sé alveg vonlaust að segja til um hversu löng biðin verður í viðbót. Við gætum þurft að bíða 1-2 ár enn,“ segir Páll.
Fótbolti Mál Gylfa Þórs Sigurðssonar Landsliðsmenn sakaðir um kynferðisofbeldi Mest lesið Nýja Liverpool stjarnan fær sultarlaun Enski boltinn Hætti við að giftast fótboltastjörnunni af því að allt var skráð á móður hans Fótbolti Landsliðsþjálfarinn vissi ekkert um útspil Haaland Fótbolti Mourinho rekinn frá Fenerbahce Fótbolti Fyrsta skrefið í átt að því að leysa Isak málið Enski boltinn Æxli í nýra Ólympíumeistarans Sport Uppgjör: Virtus-Breiðablik 1-3 | Blikar lönduðu öllum milljónunum Fótbolti Sendi Albert inn á í hálfleik þegar útlitið var orðið svart Fótbolti Solskjær rekinn eftir tapið í kvöld Fótbolti Fall vonandi fararheill hjá strákunum: Myndaveisla frá Ísraelsleiknum Körfubolti Fleiri fréttir Mourinho rekinn frá Fenerbahce Mainoo vill fara á láni Nýja Liverpool stjarnan fær sultarlaun Hætti við að giftast fótboltastjörnunni af því að allt var skráð á móður hans Fyrsta skrefið í átt að því að leysa Isak málið Landsliðsþjálfarinn vissi ekkert um útspil Haaland Uppgjör: Virtus-Breiðablik 1-3 | Blikar lönduðu öllum milljónunum Solskjær rekinn eftir tapið í kvöld Chelsea búið að kaupa Garnacho Sendi Albert inn á í hálfleik þegar útlitið var orðið svart Uppgjör Tindastóll-Víkingur 1-5 | Víkingskonur upp um þrjú sæti Uppgjörið: FH - Þróttur 3-0 | FH náði í þrjú mikilvæg stig með sigri gegn Þrótti Sverrir fagnaði á móti Loga Daníel Tristan hélt upp á landsliðssætið með stæl Crystal Palace rétt slapp inn í Sambandsdeildina Elías Rafn hélt aftur hreinu og liðið flaug inn í Evrópudeildina Svona var drátturinn í Meistaradeild Evrópu Segja að þjálfari Hlínar hafi verið rekinn nokkrum dögum fyrir mót Hálfur milljarður og Evrópuleikir fram að jólum í húfi fyrir Blika Messi skaut Inter Miami í úrslitaleikinn Fantasýn: Varar fólk við Richarlison Annað sætið raunhæft markmið í undankeppni HM Neyðarleg tölfræði Onana í vítakeppninni Amorim gagnrýndur fyrir að horfa ekki á vítakeppnina Fantasýn ræðir framtíð Wirtz: Blóðugur upp fyrir haus að pumpa í hann lífi „Við vorum algjörlega týndir“ „Ég er ekki Hitler“ United banarnir drógust á móti Leeds bönunum Eitt vandræðalegasta kvöldið í sögu Manchester United Uppgjörið: Valur - Braga 1-3 | Valskonur töpuðu og mæta Ceciliu Rán og Karólínu Leu Sjá meira