Aron spilaði allan tímann í markalausum leik

Aron Bjarnason spilaði allan tímann á hægri vængnum hjá Sirius en Óli Valur Ómarsson sat sem fastast á varamannabekknum frá upphafi til enda. 

Leikurinn var liður í 18. umferð deildarinnar en Sirius hefur nú 25 stig og situr í níunda sæti deildarinnar. 

Aron er fastamaður hjá Sirius en hann hefur byrjað 17 af 18 deildarleikjum liðsins og kom inná sem varamaður í eina leiknum sem hann byrjaði á bekknum. 

Óli Valur hefur hins vegar verið einu sinni í byrjunarliði Sirius og komið tvisvar inná sem varamaður síðan hann kom frá Stjörnunni fyrr í sumar.