Einn lést í hvirfil­byl í Hollandi

Samkvæmt fréttaveitu Reuters lést maðurinn í bænum Zierikzee sem er sjötíu kílómetrum frá hafnarborginni Rotterdam. Hvirfilbyljir eru ekki algengir í Hollandi en eiga þó til að myndast á sumrin.

Jack van der Hoek, bæjarstjóri Zierikzee, mun halda blaðamannafund vegna andlátsins seinna í dag. Rétt rúmlega tíu þúsund manns búa í bænum sem er einungis þrír ferkílómetrar að stærð.

Þetta er í fyrsta sinn síðan árið 1992 sem einstaklingur í Hollandi lætur lífið vegna hvirfilbyls.