Fótbolti

Albert lék í enn einu tapi Genoa | Leika í B-deildinni á næstu leik­tíð

Runólfur Trausti Þórhallsson skrifar
Albert og liðsfélagar hans eru fallnir niður í B-deild.
Albert og liðsfélagar hans eru fallnir niður í B-deild. Loris Roselli/Getty Images

Íslenski landsliðsmaðurinn Albert Guðmundsson var í byrjunarliði Genoa er liðið tapaði 0-1 á heimavelli fyrir Bologna í Serie A, ítölsku úrvalsdeildinni í fótbolta. Genoa er fallið niður um deild og leikur í Serie B á næstu leiktíð.

Þegar Albert samdi við Genoa í janúar var liðið þegar komið með annan fótinn niður í B-deildina. Liðið hefur ekki unnið marga leiki síðan en vann þó magnaðan sigur á Juventus þar sem Albert skoraði til að mynda. 

Genoa mætti Bologna í lokaumferðinni og fór það svo að Musa Barrow skoraði eina mark leiksins á 66. mínútu leiksins, lokatölur 0-1. Genoa fallið, endaði liðið með 28 stig í 19. sæti.

Albert spilaði allan leikinn.

Ítalski boltinn, Serie A, er á Stöð 2 Sport en upplýsingar um útsendingar má finna hér. Serie A er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

Fótbolti Ítalski boltinn

Mest lesið


Fleiri fréttir

Sjá meira


×

Mest lesið