Fótbolti

Kínverjar hætta við að halda Asíumótið vegna kórónuveirufaraldursins

Hjörtur Leó Guðjónsson skrifar
Pudong völlurinn í Sjanghæ var einn af þeim völlum sem átti að vera notaður á Asíumótinu.
Pudong völlurinn í Sjanghæ var einn af þeim völlum sem átti að vera notaður á Asíumótinu. Ji Haixin/VCG via Getty Images

Kínverjar hafa ákveðið að þeir muni ekki halda Asíumótið í fótbolta sumarið 2023 vegna kórónuveirufaraldursins sem nú geysar þar í landi.

Þetta 24 liða mót átti að fara fram í tíu kínverkum borgum í júní á næsta ári. Landið glímir nú hins vegar við stærstu bylgju kórónuveirunnar síðan að faraldurinn hófst og því sja Kínverjar sér ekki fært um að halda mótið.

„AFC viðurkennir sérstakar aðstæður af völdum Covid-19 heimsfaraldursins sem leiddu til þess að Kína afsalaði sér réttinum til að halda Asíumótið,“ segir í yfirlýsingu frá asíska knattspyrnusambandinu AFC.

Þá kom einni fram í yfirlýsingunni að smabandið myndi tilkynna frekari upplýsingar um hvar mótið yrði haldið þegar þær lægju fyrir.

Fótbolti Kína Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið