Framsókn til framtíðar í Fjarðabyggð Jón Björn Hákonarson, Þuríður Lillý Sigurðardóttir, Birgir Jónsson, Arnfríður Eide Hafþórsdóttir, Elís Pétur Elísson og Pálína Margeirsdóttir skrifa 13. maí 2022 14:31 Á laugardaginn ganga íbúar Fjarðabyggðar til kosninga og kjósa sér fulltrúa í bæjarstjórn til næstu fjögurra ára. Á undanförnum dögum og vikum höfum við, frambjóðendur Framsóknar í Fjarðabyggð, farið vítt og breitt um sveitarfélagið okkar. Við höfum átt gefandi og skemmtileg samtöl við íbúa í öllum byggðakjörnum og fengið að heyra hvað brennur á þeim. Stefnuskráin okkar, sem finna má á heimsíðunni okkar framsoknfjardabyggd.is og á samfélagsmiðlum, tekur mið af þessum samtölum og þar er sett fram skýr framtíðarsýn fyrir sveitarfélagið okkar. Stefnumál Framsóknar eru sett fram undir kjörorðinu „Framsókn til framtíðar fyrir samfélagið allt“ og endurspeglar það að framundan eru spennandi tímar í samfélaginu okkar með krefjandi og skemmtilegum verkefnum. Áherslumál Framsóknar í Fjarðabyggð eru af ýmsum toga. Málefni fjölskyldna eru sem fyrr í fyrirrúmi hjá okkur, enda viljum við að Fjarðabyggð sé góður staður til að búa á, þar sem vel er hlúð að fjölskyldufólki. En hvað viljum við gera? Framsókn til framtíðar í húsnæðismálum Framsókn í Fjarðabyggð mun leggja höfuðáherslu á greiða fyrir byggingu húsnæðis í sveitarfélaginu eftir ýmsum leiðum. Við ætlum m.a. að tryggja að áfram verði nægt framboð lóða í öllum byggðakjörnum, veita áfram afslátt af gatnagerðargjöldum og halda áfram að efla samstarf okkur við leigufélögin Bríet og Brák. Framsókn til framtíðar í menntamálum Framsókn í Fjarðabyggð vill koma að því að efla enn frekar hið góða starf sem unnið er í skólum Fjarðabyggðar. Við þurfum að vera óhrædd við að endurskoða þjónstuna okkar í skólunum, með það að markmiði að hún sé ávallt fyrsta flokks og leita sífellt leiða til efla hana. Þetta viljum við m.a. gera með því að halda áfram að efla stoðþjónustu skólanna með snemmtæka íhlutun að leiðarljósi, við viljum efla tæknikennslu í skólunum og halda áfram góðu samstarfi grunnskólanna í Fjarðabyggð við Verkmenntaskóla Austurlands á sviði iðn- og tæknigreina. Þá þarf að halda áfram að auka framboð háskólanáms og halda áfram að koma háskólaútibúinu á legg. Framsókn til framtíðar í atvinnumálum Við gerum okkur grein fyrir því að hið öfluga atvinnulíf í Fjarðabyggð er mikilvægasta stoðin undir öflugri þjónustu sveitarfélagsins. Við viljum þess vegna halda áfram að styðja vel við bakið á þeim öflugu fyrirtækjum sem hér eru og einnig að sækja fram og nýta þau fjölmörgu tækifæri til nýsköpunar sem framundan eru. Framsókn í Fjarðabyggð mun leggja höfuðáherslu á áframhaldandi þróun og uppbyggingu Græns orkugarðs og grænar fjárfestingar í atvinnuuppbyggingu í sveitarfélaginu. Við viljum að Fjarðabyggð verði leiðandi samfélag þegar kemur að framleiðslu á orku til orkuskipta. Þá þarf að leggjast í vinnu við uppbyggingu klasa og samvinnuhúsa og gera átak í ljósleiðaravæðingu þéttbýlisins til að koma til móts við þarfir starfa án staðsetningar. Framsókn til framtíðar með öflugri samvinnu Samvinna er leiðarstefið í stefnu Framsóknarflokksins. Framsóknarmenn vita að öflug samvinna á breiðum grundvelli skilar yfirleitt bestum árangri. Bæjarstjórn Fjarðabyggðar hefur síðustu fjögur ár borið gæfa til þess að ná að mynda breiða samstöðu allra flokka, bæði í minnihluta og meirihluta, í þeim málum sem til umfjöllunar hafa verið. Það er ekki sjálfgefið. Það er eðli stjórnmála að ólík sjónarmið takist á og fulltrúar hafi ólíka sýn á hlutina. Það er hinsvegar mikilvægt að stjórnvöld á hverjum tíma leiti leiða sætta þau sjónarmið, hlusta á rök og mótrök og reyna að komast að þeirri niðurstöðu sem breiðust samstaða er um. Fulltrúar Framsóknar í bæjarstjórn og nefndum Fjarðabyggðar hafa lagt sig fram við þetta, og oft á tíðum verið sú brú sem nauðsynlegt er að hafa til að sætta ólík sjónarmið. Bæjarstjórn Fjarðabyggðar þarf örugga forystu, af miðjunni. Framsókn í Fjarðabyggð býður fram slíka örugga og staðfasta forystu fyrir sveitarfélagið, þar sem samstaða og samvinna er höfð að leiðarljósi. Framboðslisti Framsóknarflokksins í Fjarðabyggð er skipaður kraftmiklu fólki á öllum aldri með fjölbreyttan bakgrunn, sem kemur úr öllum byggðakjörnum Fjarðabyggðar. Á listanum fer saman víðtæk þekking, reynsla, kraftur og vilji til að vinna að eflingu samfélagsins í Fjarðabyggð, með öruggar grunnstoðir og fjölbreytt atvinnulíf í forgrunni. Við byggjum á góðum grunni Hér á undan hefur aðeins verið stiklað á stóru í fjölbreyttum stefnumálum Framsóknar í Fjarðabyggð. Við hvetjum kjósendur til að kynna sér þau nánar á heimsíðu okkar framsoknfjardabyggd.is og ekki síður hvetjum við alla til að nýta kosningarétt sinn á laugardag. Við göngum stolt frá þessari kosningabaráttu og leggjum fyrri verk Framsóknar undir atkvæði kjósenda, ásamt þeirra framtíðarsýn sem við höfum kynnt kjósendum að undanförnu. Við höfum í kosningabaráttunni einsett okkur að vera jákvæð og hófsöm. Við höfum ekki farið fram með upphrópunum eða óraunhæfum loforðaflaumi. Við byggjum á góðum grunni – nú sækjum við fram. Setjum X við B á laugardag fyrir Framsókn til framtíðar fyrir samfélagið allt! Höfundar sitja í sex efstu sætum á framboðslista Framsóknar í Fjarðabyggð fyrir sveitarstjórnarkosningar þann 14. maí. Viltu birta grein á Vísi? Sendu okkur póst. Senda grein Fjarðabyggð Framsóknarflokkurinn Skoðun: Kosningar 2022 Sveitarstjórnarkosningar 2022 Mest lesið D-vítamín mín besta forvörn Auður Elisabet Jóhannsdóttir Skoðun Við vitum alveg upphafið Guðný Níelsen Skoðun Varalitur á skattagrísinum Helgi Brynjarsson Skoðun Leiðréttingin leiðrétt Sigurgeir Brynjar Kristgeirsson Skoðun Það er flókið að eiga næstum 500 milljarða króna á Íslandi Þórður Snær Júlíusson Skoðun Hugrekki getur af sér hugrekki Þorbjörg Þorvaldsdóttir Skoðun Mikilvægt skref til sáttar Guðmundur Ari Sigurjónsson Skoðun Betri nýting á tíma og fjármunum Reykjavíkurborgar 3/3 Magnea Gná Jóhannsdóttir Skoðun Hvað skiptir okkur mestu máli? Dóra Guðrún Guðmundsdóttir Skoðun Níðingsverk Jón Daníelsson Skoðun Skoðun Skoðun Gjaldfrjálsar skólamáltíðir – margþættur ávinningur Ludvig Guðmundsson,Guðrún E. Gunnarsdóttir skrifar Skoðun Orkuöflun á eyjaklösum - Vestmannaeyjar og Orkneyjar Gísli Stefánsson skrifar Skoðun Hugrekki getur af sér hugrekki Þorbjörg Þorvaldsdóttir skrifar Skoðun D-vítamín mín besta forvörn Auður Elisabet Jóhannsdóttir skrifar Skoðun Húmanisminn í kærleikanum og kærleikurinn í húmanismanum Arndís Anna Kristínardóttir Gunnarsdóttir skrifar Skoðun Helför gyðinga gegn íbúum Palestínu Birgir Dýrfjörð skrifar Skoðun Leiðréttingin leiðrétt Sigurgeir Brynjar Kristgeirsson skrifar Skoðun Hvað skiptir okkur mestu máli? Dóra Guðrún Guðmundsdóttir skrifar Skoðun Mikilvægt skref til sáttar Guðmundur Ari Sigurjónsson skrifar Skoðun Staðið með þjóðinni Hanna Katrín Friðriksson skrifar Skoðun Við vitum alveg upphafið Guðný Níelsen skrifar Skoðun Betri nýting á tíma og fjármunum Reykjavíkurborgar 3/3 Magnea Gná Jóhannsdóttir skrifar Skoðun Varalitur á skattagrísinum Helgi Brynjarsson skrifar Skoðun Við eigum ekki efni á vonleysi né uppgjöf Magnús Magnússon skrifar Skoðun Hingað og ekki lengra Kolbrún Áslaugar Baldursdóttir skrifar Skoðun Hagsmunir heildarinnar - Kafli eitt: Tómlæti Íslendinga Hannes Örn Blandon skrifar Skoðun Þegar líða fer að jólum Ísak Hilmarsson skrifar Skoðun Svansvottaðar íbúðir – fjárfesting í lífsgæðum Bergþóra Góa Kvaran skrifar Skoðun D-vítamín mín besta forvörn Auður Elisabet Jóhannsdóttir skrifar Skoðun Hættulegt tal Sjálfstæðisflokksins og Viðskiptaráðs Guðni Freyr Öfjörð skrifar Skoðun Þetta má ekki gerast aftur! - Álag á útsvar Sveinn Ægir Birgisson skrifar Skoðun Meistaragráða í lífsreynslu Elín Ebba Ásmundsdóttir skrifar Skoðun Stjórnvöld, Óskar á heima hér! Þóra Andrésdóttir skrifar Skoðun Dvel þú í draumahöll Hugrún Sigurjónsdóttir skrifar Skoðun Níðingsverk Jón Daníelsson skrifar Skoðun Umhverfi, heilsa og skólamáltíðir Stefán Jón Hafstein skrifar Skoðun Æji nei innflytjendur Davíð Aron Routley skrifar Skoðun Stríðsglæpir sem munu ekki gleymast! Hjálmtýr Heiðdal skrifar Skoðun Samstaða, kjarkur og þor Björn Snæbjörnsson skrifar Skoðun Það er betra fyrir okkur öll að Háskóli Íslands efli fjarnám Darri Rafn Hólmarsson skrifar Sjá meira
Á laugardaginn ganga íbúar Fjarðabyggðar til kosninga og kjósa sér fulltrúa í bæjarstjórn til næstu fjögurra ára. Á undanförnum dögum og vikum höfum við, frambjóðendur Framsóknar í Fjarðabyggð, farið vítt og breitt um sveitarfélagið okkar. Við höfum átt gefandi og skemmtileg samtöl við íbúa í öllum byggðakjörnum og fengið að heyra hvað brennur á þeim. Stefnuskráin okkar, sem finna má á heimsíðunni okkar framsoknfjardabyggd.is og á samfélagsmiðlum, tekur mið af þessum samtölum og þar er sett fram skýr framtíðarsýn fyrir sveitarfélagið okkar. Stefnumál Framsóknar eru sett fram undir kjörorðinu „Framsókn til framtíðar fyrir samfélagið allt“ og endurspeglar það að framundan eru spennandi tímar í samfélaginu okkar með krefjandi og skemmtilegum verkefnum. Áherslumál Framsóknar í Fjarðabyggð eru af ýmsum toga. Málefni fjölskyldna eru sem fyrr í fyrirrúmi hjá okkur, enda viljum við að Fjarðabyggð sé góður staður til að búa á, þar sem vel er hlúð að fjölskyldufólki. En hvað viljum við gera? Framsókn til framtíðar í húsnæðismálum Framsókn í Fjarðabyggð mun leggja höfuðáherslu á greiða fyrir byggingu húsnæðis í sveitarfélaginu eftir ýmsum leiðum. Við ætlum m.a. að tryggja að áfram verði nægt framboð lóða í öllum byggðakjörnum, veita áfram afslátt af gatnagerðargjöldum og halda áfram að efla samstarf okkur við leigufélögin Bríet og Brák. Framsókn til framtíðar í menntamálum Framsókn í Fjarðabyggð vill koma að því að efla enn frekar hið góða starf sem unnið er í skólum Fjarðabyggðar. Við þurfum að vera óhrædd við að endurskoða þjónstuna okkar í skólunum, með það að markmiði að hún sé ávallt fyrsta flokks og leita sífellt leiða til efla hana. Þetta viljum við m.a. gera með því að halda áfram að efla stoðþjónustu skólanna með snemmtæka íhlutun að leiðarljósi, við viljum efla tæknikennslu í skólunum og halda áfram góðu samstarfi grunnskólanna í Fjarðabyggð við Verkmenntaskóla Austurlands á sviði iðn- og tæknigreina. Þá þarf að halda áfram að auka framboð háskólanáms og halda áfram að koma háskólaútibúinu á legg. Framsókn til framtíðar í atvinnumálum Við gerum okkur grein fyrir því að hið öfluga atvinnulíf í Fjarðabyggð er mikilvægasta stoðin undir öflugri þjónustu sveitarfélagsins. Við viljum þess vegna halda áfram að styðja vel við bakið á þeim öflugu fyrirtækjum sem hér eru og einnig að sækja fram og nýta þau fjölmörgu tækifæri til nýsköpunar sem framundan eru. Framsókn í Fjarðabyggð mun leggja höfuðáherslu á áframhaldandi þróun og uppbyggingu Græns orkugarðs og grænar fjárfestingar í atvinnuuppbyggingu í sveitarfélaginu. Við viljum að Fjarðabyggð verði leiðandi samfélag þegar kemur að framleiðslu á orku til orkuskipta. Þá þarf að leggjast í vinnu við uppbyggingu klasa og samvinnuhúsa og gera átak í ljósleiðaravæðingu þéttbýlisins til að koma til móts við þarfir starfa án staðsetningar. Framsókn til framtíðar með öflugri samvinnu Samvinna er leiðarstefið í stefnu Framsóknarflokksins. Framsóknarmenn vita að öflug samvinna á breiðum grundvelli skilar yfirleitt bestum árangri. Bæjarstjórn Fjarðabyggðar hefur síðustu fjögur ár borið gæfa til þess að ná að mynda breiða samstöðu allra flokka, bæði í minnihluta og meirihluta, í þeim málum sem til umfjöllunar hafa verið. Það er ekki sjálfgefið. Það er eðli stjórnmála að ólík sjónarmið takist á og fulltrúar hafi ólíka sýn á hlutina. Það er hinsvegar mikilvægt að stjórnvöld á hverjum tíma leiti leiða sætta þau sjónarmið, hlusta á rök og mótrök og reyna að komast að þeirri niðurstöðu sem breiðust samstaða er um. Fulltrúar Framsóknar í bæjarstjórn og nefndum Fjarðabyggðar hafa lagt sig fram við þetta, og oft á tíðum verið sú brú sem nauðsynlegt er að hafa til að sætta ólík sjónarmið. Bæjarstjórn Fjarðabyggðar þarf örugga forystu, af miðjunni. Framsókn í Fjarðabyggð býður fram slíka örugga og staðfasta forystu fyrir sveitarfélagið, þar sem samstaða og samvinna er höfð að leiðarljósi. Framboðslisti Framsóknarflokksins í Fjarðabyggð er skipaður kraftmiklu fólki á öllum aldri með fjölbreyttan bakgrunn, sem kemur úr öllum byggðakjörnum Fjarðabyggðar. Á listanum fer saman víðtæk þekking, reynsla, kraftur og vilji til að vinna að eflingu samfélagsins í Fjarðabyggð, með öruggar grunnstoðir og fjölbreytt atvinnulíf í forgrunni. Við byggjum á góðum grunni Hér á undan hefur aðeins verið stiklað á stóru í fjölbreyttum stefnumálum Framsóknar í Fjarðabyggð. Við hvetjum kjósendur til að kynna sér þau nánar á heimsíðu okkar framsoknfjardabyggd.is og ekki síður hvetjum við alla til að nýta kosningarétt sinn á laugardag. Við göngum stolt frá þessari kosningabaráttu og leggjum fyrri verk Framsóknar undir atkvæði kjósenda, ásamt þeirra framtíðarsýn sem við höfum kynnt kjósendum að undanförnu. Við höfum í kosningabaráttunni einsett okkur að vera jákvæð og hófsöm. Við höfum ekki farið fram með upphrópunum eða óraunhæfum loforðaflaumi. Við byggjum á góðum grunni – nú sækjum við fram. Setjum X við B á laugardag fyrir Framsókn til framtíðar fyrir samfélagið allt! Höfundar sitja í sex efstu sætum á framboðslista Framsóknar í Fjarðabyggð fyrir sveitarstjórnarkosningar þann 14. maí.
Skoðun Gjaldfrjálsar skólamáltíðir – margþættur ávinningur Ludvig Guðmundsson,Guðrún E. Gunnarsdóttir skrifar
Skoðun Húmanisminn í kærleikanum og kærleikurinn í húmanismanum Arndís Anna Kristínardóttir Gunnarsdóttir skrifar