Oddvitaáskorunin: Hefur þjálfað marga í sérsveitinni

Samúel Karl Ólason skrifar 9. maí 2022 18:00

Sigurður Pétur og Valgerður Heimisdóttir.

Vísir stendur fyrir Oddvitaáskoruninni 2022 þar sem skorað er á oddvita allra flokka í sveitarfélögum um land allt að taka þátt. Áskorunin felur í sér stutta kynningu og að svara nokkrum léttum spurningum.

Sigurður Pétur Sigmundsson leiðir Bæjarlistann í Hafnarfirði í komandi sveitarstjórnarkosningum.

Sigurður Pétur Sigmundsson, oddviti Bæjarlistans í Hafnarfirði, ólst upp á Hörgslandi rétt hjá Kirkjubæjarklaustri til 12 ára aldurs er hann flutti í Hafnarfjörð.

Konan hans heitir Valgerður Heimisdóttir, og eiga þau tvo stráka Hrannar Pétur 11 ára og Skorra Sigmund 6 ára. Fyrir á hann þrjú börn, Hrund 38 ára, Diljá 28 ára og Adam 26 ára. Sigurður byrjaði snemma í íþróttum og var landsliðsmaður mörg ár í frjálsíþróttum. Átti Íslandsmetið í maraþonhlaupi í 30 ár (1981-2011) og er einn þekktasti hlaupaþjálfari á landinu.

Hann er með meistarapróf í hagfræði frá Edinborgarháskóla og í stjórnun og stefnumótun frá HÍ. Þá hefur Sigurður yfirleitt starfað sem fjármála- og rekstrarstjóri. Hann hefur því mikla reynslu af rekstri fyrirtækja og stofnana.

Sigurður hefur komið töluvert að sveitarstjórnarmálum. Var varabæjarfulltrúi í Garðabæ 1994-1998, var í yfirkjörstjórn Hafnarfjarðar 2014-2018 og hefur setið í Skipulags- og byggingarráði Hafnarfjarðar 2018-2022.

Hver er fallegasti staðurinn á Íslandi?

Þórsmörk.

Er eitthvað lítilvægt sem fer þó í taugarnar á þér í þínu sveitarfélagi sem þú vilt að sé lagað?

Rusl og hundaskítur á víðavangi.

Hvert er þitt uppáhalds áhugamál sem gæti þótt skrítið?

Afrekaskrár.

Hver eru þín minnistæðustu samskipti við lögregluna?

Hlaupaþjálfun en ég hef þjálfað marga sem voru á leið í sérsveitina.

Hvað færðu þér á pizzu?

Rækjur, sveppi, ost, krækling.

Hvaða lag peppar þig mest?

Blueberry hill með Fats Domino.

Hvað getur þú tekið margar armbeygjur?

20.

Göngutúr eða skokk?

Skokk.

Uppáhalds brandari?

Ánægjulegt að sjá hve margir eru samankomnir hér sagði dómsmálaráðherrann er hann ávarpaði vistmenn á Litla hrauni.

Hvað er þitt draumafríi?

Gardavatn.

Hvort fannst þér 2020 eða 2021 vera verra ár?

2020.

Uppáhalds tónlistarmaður?

KK.

Hvað er það skrýtnasta sem þú manst eftir að hafa gert?

Er alinn upp á Hörgslandi rétt hjá Kirkjubæjarklaustri til 12 ára aldurs. Fór 5 ára með bræður mína 4 ára og 2,5 árs upp á fjallsbrún ofan við bæinn við litla hrifningu foreldra.

Ef það væri gerð kvikmynd um ævi þína, hver ætti að leika þig? Má vera íslenskur eða útlenskur.

Antonio Banderas en hann er sagður líkur mér.