Baráttan hófst 16 klukkustundum eftir að hún fæddist

„Fyrsta flogið hennar er þegar hún er 16 klukkustunda gömul.“

Árni var gestur vikunnar í þættinum Spjallið með Góðvild og sagði frá sinni reynslu.

„Við fengum lítinn sem engan stuðning til að byrja með. Það tekur við mikið óvissutímabil.“

Eins og fram hefur komið í umfjöllun Vísis um fjölskylduna kom í ljós ári síðar að Halldóra María fæddist með sjaldgæfan genagalla. Lífið þeirra síðan hefur verið mikill rússíbani.

„Ég vona alltaf það besta en er alltaf að gera ráð fyrir því versta.“

Lögunum ekki framfylgt

Árni ætlar sér að berjast fyrir því að fatlaðir einstaklingar fái tækifæri til að lifa sjálfstæðu lífi og að réttur þeirra verði settur á hærri stall.

„Þú setur ekki peninga á mannréttindi.“

Fjölskyldan sótti um NPA þjónustu og fékk það samþykkt en eru enn að bíða. Hann er sjálfur menntaður í lögfræði og segir að lögin geti verið falleg en þeim sé alls ekki alltaf framfylgt. 

„Þetta er vandamál sem er við lýði á Íslandi sem svo margir snúa baki við og loka bara augunum.“

Viðtalið má heyra í heild sinni í spilaranum hér fyrir neðan.