Sport

Dagskráin í dag: Undanúrslit í Olís og Meistaradeild, Besta-deildin og rafíþróttir

Hjörtur Leó Guðjónsson skrifar
Karim Benzema og félagar hans í Real Madrid freista þess að slá Englandsmeistara Manchester City úr leik í undanúrslitum Meistaradeildar Evrópu í kvöld.
Karim Benzema og félagar hans í Real Madrid freista þess að slá Englandsmeistara Manchester City úr leik í undanúrslitum Meistaradeildar Evrópu í kvöld. AP Photo/Dave Thompson

Það er nóg um að vera á sportrásum Stöðvar 2 á þessum ágæta miðvikudegi, en boðið verður upp á tíu beinar útsendingar í kvöld. Þar ber hæst að nefna annan leik ÍBV og Hauka í undanúrslitaeinvígi Olís-deildar karla og síðari leik Manchester City og Real Madrid í Meistaradeild Evrópu.

Stöð 2 Sport

Við hefjum leik í Vestmannaeyjum þar sem ÍBV og Haukar eigast við í undanúrslitum Olís-deildar karla. Eyjamenn unnu fyrsta leik liðanna og geta því komið sér í vænlega stöðu með sigri á heimavelli. Upphitun fyrir leikinn hefst klukkan 17:30, en flautað verður til leiks hálftíma síðar. Að leik loknum verður hann svo gerður upp með Seinni bylgjunni.

Stöð 2 Sport 2

Það styttist í annan endan á Meistaradeild Evrópu í knattspyrnu, en í kvöld fer seinasti leikur undanúrslitanna fram þegar Real Madrid tekur á móti Manchester City klukkan 18:50. Upphitun fyrir leikinn hefst klukkan 18:15 og eftir leik verður farið yfir allt það helsta í Meistaradeildarmörkunum.

Stöð 2 Sport 4

Besta-deild kvenna er farin að rúlla af fullum krafti og í kvöld eru tveir leikir í beinni útsendingu. Annar þeirra er viðureign Keflavíkur og Breiðabliks klukkan 19:05 á Stöð 2 Sport 4.

Besta deildin

Á Bestu-deildar rásinni má svo sjá hinn leik kvöldsins í Bestu-deild kvenna þegar Stjarnan tekur á móti KR klukkan 19:05.

Stöð 2 eSport

Arena-deildin heldur áfram klukkan 18:30 og klukkan 21:00 er Babe Patrol með sinn vikulega þátt.

Dagskráin í dag

Mest lesið


Fleiri fréttir

Sjá meira


×

Mest lesið