Miami Heat vann 97-94 sigur á Atlanta Hawks í fimmta leik liðanna sem fór fram í Atlanta og vann því einvígið 4-1. Þetta gerði Miami liðið þrátt fyrir að leika án bæði stjörnuleikmannanna Kyle Lowry og Jimmy Butler sem voru frá vegna meiðsla.
The @MiamiHEAT execute perfectly on the last defensive possession of the game to get the win and advance! pic.twitter.com/PygOai493B
— NBA (@NBA) April 27, 2022
Victor Oladipo skoraði 23 stig fyrir Miami og Bam Adebayo var með 20 stig og 11 fráköst.
Það var varnarleikur Miami sem var stjarnan í seríunni og þá sérstaklega vörn liðsins á bakvörðinn Trae Young. Young var aðeins með 15,4 stig í leik í einvíginu, hann nýtti aðeins 32 prósent skota sinna og var með jafnmarga tapaða bolta og stoðsendingar.
Í lokaleiknum klikkaði Young á 10 af 12 skotum sínum og skoraði bara 11 stig. De'Andre Hunter var langstigahæstur hjá Hawks liðinu með 35 stig.
OH MY JA!!#NBAPlayoffs presented by Google Pixel on TNT pic.twitter.com/gR6IBaFsAw
— NBA (@NBA) April 27, 2022
Ja Morant bauð upp á sýningu í lok leiks þegar Memphis Grizzlies komst í 3-2 á móti Minnesota Timberwolves eftir 111-109 sigur.
Morant skoraði ellefu síðustu stigin fyrir Memphis þar á meðal sigurkörfuna sekúndu fyrir leikslok. Hann endaði með 30 stig, 13 fráköst og 9 stoðsendingar eftir að hafa boðið upp á 18 stiga lokaleikhluta.
BIG 12 shines brightest in the BIG moments
— NBA (@NBA) April 27, 2022
After tonight's game-winner by @JaMorant, check out all 4 of his game-winners! #GrindCity pic.twitter.com/JGIewLJWjB
Desmond Bane var með 25 stig fyrir Memphis og Brandon Clarke kom með 21 stig af bekknum. Karl-Anthony Towns var atkvæðamestur hjá Minnesota með 28 stig og 12 fráköst en Anthony Edwards skoraði 22 stig.
The Point God orchestrated the @Suns offense to victory, dropping 11 dimes to snatch a 3-2 series lead! #RallyTheValley@CP3: 22 PTS, 6 REB, 11 AST, 3 STL #NBAPlayoffs presented by Google Pixel pic.twitter.com/uFlLuXjEzY
— NBA (@NBA) April 27, 2022
Phoenix Suns er síðan komið 3-2 yfir á móti New Orleans Pelicans eftir 112-97 sigur í nótt. Suns var með frumkvæðið allan tímann en ekki illa að hrista af sér Pelíkanana.
Mikal Bridges skoraði 31 stig fyrir Phoenix og Chris Paul var með 22 stig og 11 stoðsendingar. Brandon Ingram var með 22 stig fyrir New Orleans liðið og CJ McCollum bætti við 21 stigi.
- Úrslitin í úrslitakeppni NBA í nótt:
- Miami Heat - Atlanta Hawks 97-94
- Memphis Grizzlies - Minnesota Timberwolves 111-109
- Phoenix Suns - New Orleans Pelicans 112-97
- -
- Staðan í einvígunum í úrslitakeppni NBA-deildarinnar núna:
- Austurdeildin:
- (1. sæti) Miami Heat 4-1 Atlanta Hawks (8. sæti) BÚIÐ
- (2) Boston Celtics 4-0 Brooklyn Nets (7) BÚIÐ
- (3) Milwaukee Bucks 3-1 Chicago Bulls (6)
- (4) Philadelphia 76ers 3-2 Toronto Raptors (5)
- Vesturdeildin:
- (1. sæti) Phoenix Suns 3-2 New Orleans Pelicans (8. sæti)
- (2) Memphis Grizzlies 3-2 Minnesota Timberwolves (7)
- (3) Golden State Warriors 3-1 Denver Nuggets (6)
- (4) Dallas Mavericks 3-2 Utah Jazz (5)