Körfubolti

Tryggvi Snær fékk 12 mínútur í sigri Zaragoza

Atli Arason skrifar
Tryggvi Snær Hlinason er leikmaður Basket Zaragoza.
Tryggvi Snær Hlinason er leikmaður Basket Zaragoza. Vísir/Getty

Tryggvi Snær Hlinason, leikmaður Zaragoza, spilaði í tæpar 12 mínútur í sjö stiga sigri Zaragoza á Obradorio í spænsku ACB deildinni í körfubolta, 80-73.

Tryggvi fékk ekki úr miklu að moða í leiknum. Tryggvi reyndi bara eitt skot í leiknum sem fór ekki ofan í og tók einungis eitt frákast á þessum 12 mínútum. Zaragoza var þó sjö stigum í plús á meðan Tryggvi Snær var inná.

Sigurinn er afar mikilvægur fyrir Zaragoza sem lyftir sér upp úr fallsæti og í 14. sæti töflunnar með stigunum tveimur en Zaragoza og Obradorio eru nú jöfn stigum. Bæði lið eru með 18 stig, tveimur stigum fyrir ofan fallsvæðið.

Næsti leikur Tryggva og félaga er gegn toppliði Barcelona á laugardaginn næsta.

Spænski körfuboltinn

Mest lesið


Fleiri fréttir

Sjá meira


×

Mest lesið