Afhjúpuðu styttu af þríeykinu Eiður Þór Árnason og Kristín Ólafsdóttir skrifa 1. apríl 2022 08:01 Eitt af mörgum fjölmörgum eftirminnilegum augnablikum þríeykisins í faraldrinum. VÍSIR/EGILL Stytta af þríeykinu svokallaða, Ölmu Möller landlækni, Víði Reynissyni yfirlögregluþjóni og Þórólfi Guðnasyni sóttvarnalækni verður afhjúpuð við hátíðlega athöfn við Björgunarmiðstöðina í Skógarhlíð í Reykjavík í dag. Afhjúpunin hefst klukkan 10 og er almenningi boðið að vera viðstaddur. Fyrir þá sem ekki komast verður beint streymi á Vísi og Stöð 2 Vísi. Uppfært: Um var að ræða aprílgabb á vegum fréttastofu Stöðvar 2, Vísis og Bylgjunnar og fór því engin raunveruleg afhjúpun fram. Staðsetning styttunnar er táknræn en það var í Skógarhlíð sem almannavarnir samhæfðu viðbragð sitt við Covid-19 faraldrinum, héldu óteljandi fundi og drukku enn fleiri kaffibolla. Þá er heilbrigðisráðuneytið staðsett þar steinsnar frá. Afhjúpun styttunnar markar einnig ákveðin tímamót í baráttunni við kórónuveiruna en í vikunni létu síðustu starfsmenn smitrakningarteymis almannavarna af störfum. Kaffi, kleinur og gítarinn ekki langt undan Athöfnin hefst með ávarpi heilbrigðisráðherra klukkan 10 og þá flytur Þórólfur Guðnason sóttvarnalæknir einnig stutta tölu. Margrét Rut Eddudóttir, listakona sem hannaði styttuna, mun loks svipta hulunni af sköpunarverki sínu. Að lokinni afhjúpuninni verður gestum boðið upp á kaffi og kleinur í anddyri Björgunarmiðstöðvarinnar – og þá útilokar Víðir Reynisson yfirlögregluþjónn ekki að Þórólfur grípi í gítarinn fyrir viðstadda. Uppfært klukkan 10.45: Útsendingunni er nú lokið og er hægt að horfa á hana í spilaranum hér fyrir neðan. „Þetta er bara ótrúlegur heiður, að fá styttu af sér eftir þetta og eftir þennan listamann er náttúrulega meiriháttar heiður,“ segir Víðir. „Maður hugsar bara um allt fólkið sem var með manni í þessu og manni finnst verst að það sé ekki hægt að hafa fleiri með.“ Svo það eru ákveðin vonbrigði að það séu ekki fleiri en þið þrjú? „Jájá, við vorum kannski í frontinum á þessu en þetta var samstarfsverkefni allrar þjóðarinnar í sjálfu sér. Kannski er þetta bara ágætis táknmynd fyrir það að við komum fram fyrir hönd þjóðarinnar.“ Margrét Rut Eddudóttir og Haraldur Þorleifsson.Aðsend Vilja heiðra þríeykið Styttan er gjöf frá hjónunum Margréti Rut Eddudóttur listakonu og Haraldi Þorleifssyni, stofnanda Ueno. Haraldur segir að með þessu vilji þau heiðra þríeykið og sýna þakklæti þjóðarinnar í verki. „Síðustu tvö ár hafa verið ótrúlegur tími sem munu án efa fá sitt pláss í sögubókum framtíðarinnar. Þau þrjú hafa hjálpað okkur að vinna í gegnum þetta ferli með einlægni og staðfestu sem þjóðin hefur getað fylkt sér á bakvið. Síðan eru þau líka flest frekar myndarleg,“ segir Haraldur í samtali við fréttastofu. Að lokum vill Margrét hrósa skipulagsyfirvöldum í Reykjavík og Listasafni Reykjavíkur fyrir liðlegheit og skilvirka afgreiðslu málsins en listasafnið mun hafa umsjón með listaverkunum.
Uppfært: Um var að ræða aprílgabb á vegum fréttastofu Stöðvar 2, Vísis og Bylgjunnar og fór því engin raunveruleg afhjúpun fram. Staðsetning styttunnar er táknræn en það var í Skógarhlíð sem almannavarnir samhæfðu viðbragð sitt við Covid-19 faraldrinum, héldu óteljandi fundi og drukku enn fleiri kaffibolla. Þá er heilbrigðisráðuneytið staðsett þar steinsnar frá. Afhjúpun styttunnar markar einnig ákveðin tímamót í baráttunni við kórónuveiruna en í vikunni létu síðustu starfsmenn smitrakningarteymis almannavarna af störfum. Kaffi, kleinur og gítarinn ekki langt undan Athöfnin hefst með ávarpi heilbrigðisráðherra klukkan 10 og þá flytur Þórólfur Guðnason sóttvarnalæknir einnig stutta tölu. Margrét Rut Eddudóttir, listakona sem hannaði styttuna, mun loks svipta hulunni af sköpunarverki sínu. Að lokinni afhjúpuninni verður gestum boðið upp á kaffi og kleinur í anddyri Björgunarmiðstöðvarinnar – og þá útilokar Víðir Reynisson yfirlögregluþjónn ekki að Þórólfur grípi í gítarinn fyrir viðstadda. Uppfært klukkan 10.45: Útsendingunni er nú lokið og er hægt að horfa á hana í spilaranum hér fyrir neðan. „Þetta er bara ótrúlegur heiður, að fá styttu af sér eftir þetta og eftir þennan listamann er náttúrulega meiriháttar heiður,“ segir Víðir. „Maður hugsar bara um allt fólkið sem var með manni í þessu og manni finnst verst að það sé ekki hægt að hafa fleiri með.“ Svo það eru ákveðin vonbrigði að það séu ekki fleiri en þið þrjú? „Jájá, við vorum kannski í frontinum á þessu en þetta var samstarfsverkefni allrar þjóðarinnar í sjálfu sér. Kannski er þetta bara ágætis táknmynd fyrir það að við komum fram fyrir hönd þjóðarinnar.“ Margrét Rut Eddudóttir og Haraldur Þorleifsson.Aðsend Vilja heiðra þríeykið Styttan er gjöf frá hjónunum Margréti Rut Eddudóttur listakonu og Haraldi Þorleifssyni, stofnanda Ueno. Haraldur segir að með þessu vilji þau heiðra þríeykið og sýna þakklæti þjóðarinnar í verki. „Síðustu tvö ár hafa verið ótrúlegur tími sem munu án efa fá sitt pláss í sögubókum framtíðarinnar. Þau þrjú hafa hjálpað okkur að vinna í gegnum þetta ferli með einlægni og staðfestu sem þjóðin hefur getað fylkt sér á bakvið. Síðan eru þau líka flest frekar myndarleg,“ segir Haraldur í samtali við fréttastofu. Að lokum vill Margrét hrósa skipulagsyfirvöldum í Reykjavík og Listasafni Reykjavíkur fyrir liðlegheit og skilvirka afgreiðslu málsins en listasafnið mun hafa umsjón með listaverkunum.
Styttur og útilistaverk Faraldur kórónuveiru (COVID-19) Heilbrigðismál Reykjavík Aprílgabb Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Ísland með auga fuglsins Lífið „Það er alveg hægt að vinna rifrildið, en þá tapar sambandið“ Makamál Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira