Íslenski boltinn

Sandra María skoraði þrjú er Þór/KA pakkaði Fylki saman

Runólfur Trausti Þórhallsson skrifar
Sandra María Jessen í leik með Þór/KA sumarið 2018.
Sandra María Jessen í leik með Þór/KA sumarið 2018. Vísir/Vilhelm

Sandra María Jessen er komin á blað með Þór/KA á nýjan leik. Hún sneri aftur til uppeldisfélagsins fyrir áramót og skoraði í dag öll þrjú mörk liðsins í 3-0 sigri á Fylki í Lengjubikar kvenna í knattspyrnu.

Sandra María kom Þór/KA yfir eftir hálftíma leik og aðeins þremur mínútum síðar hafði hún tvöfaldað forystu heimakvenna, staðan 2-0 í hálfleik. 

Það tók Þór/KA - Söndru Maríu nánar tiltekið - ekki langan tíma að bæta við þriðja markinu en eftir aðeins sjö mínútna leik í síðari hálfleik var staðan orðin 3-0. Reyndust það lokatölur leiksins og Þór/KA komið upp í 2. sætið í riðli 2 í A-deild. 

Valur endar sem sigurvegari riðilsins með fullt hús stiga og sem stendur er Þór/KA á leiðinni í undanúrslit. Afturelding getur þó náð öðru sætinu með sigri gegn Þrótti Reykjavík á mánudaginn kemur.

Fótbolti Íslenski boltinn Þór Akureyri KA Fylkir

Mest lesið


Fleiri fréttir

Sjá meira


×

Mest lesið