Fær 1,3 milljónir í bætur vegna uppsagnar eftir tilkynningu um óléttu Hallgerður Kolbrún E. Jónsdóttir skrifar 18. mars 2022 10:43 Konan hafði verið við vinnu í einn dag og tvo klukkutíma þegar henni var sagt upp. Myndin er ótengd fréttinni. Vísir/Vilhelm Leikskóla í Reykjavík hefur verið gert að greiða leikskólakennara, sem var rekinn átján dögum eftir að hann hóf störf á skólanum, tæpar 1,3 milljónir króna í bætur vegna uppsagnarinnar. Málið má rekja aftur til septembermánaðar 2019 þegar leikskólakennarinn var ráðinn sem deildarstjóri á leikskólann. Samkomulag um ráðningu náðist 16. september og var fyrirhugaður fyrsti starfsdagur 1. nóvember sama ár. Leikskólakennarinn á barn, sem var þá tíu mánaða, sem hafði fengið pláss á öðrum leikskóla sem rekinn var af þeim sama og sá leikskóli sem hún var ráðin á. Daginn eftir að hafa farið með barn sitt í aðlögun á leikskólann, 28. október, mætti konan til fundar hjá leikskólastjóra skólans sem barnið fór í aðlögun á og aðstoðarleikskólastjóra þess skóla sem hún var ráðin á. Þar kvartaði hún yfir aðbúnaði á leikskóla barnsins og sagðist ekki ætla að koma aftur með barn sitt þangað. Sagt upp eftir einn dag í vinnu Hún mætti svo til starfa föstudaginn 1. nóvember 2019 þar sme hún var kynnt öðru starfsfólki áður en hún fór aftur heim. Dagana 4. til 6. nóvember var hún frá vinnu vegna veikinda. 7. nóvember skrifaði hún undir ótímabundinn ráðningarsamning. Eftir að undir samninginn var skrifað tilkynnti konan aðstoðarleikskólastjóranum að hún væri barnshafandi og þá komin tíu vikur á leið. Konan var aftur frá vinnu dagana 8. til 15. nóvember. Þegar hún mætti svo til vinnu mánudaginn 18. nóvember var hún kölluð inn á fund þar sem henni var sagt upp störfum og henni afhent uppsagnarbréf. Í uppsagnarbréfinu kom fram að henni væri sagt upp störfum á reynslutíma með eins mánaða fyrirvara, miðað við mánaðamót. Ekki var óskað eftir því að hún starfaði á uppsagnartímanum. Ástæður sem gefnar voru fyrir uppsögninni voru þær að konan hafi verið mikið fjarverandi vegna veikinda og skortur hafi verið á trausti. Ástæða þess ekki aðeins ítrekuð forföll heldur einnig það að konan hafi ekki greint frá því að hún væri barnshafandi áður en hún undirritaði ráðningarsamninginn. Lög um fæðingarorlof vegi þyngra en dómar Hæstarétts um uppsagnir á reynslutíma Konan leitaði til Kennarasambands Íslands sem fyrir hennar hönd hafði samband við Samtök atvinnulífsins, sem leikskólinn hafði leitað til. SA sendi fyrir hönd leikskólans ítarlegri stuðning fyrir uppsögn leikskólakennarans. Þar kom fram að uppsögnin hafi átt sér stað á reynslutíma, hún hafi virst áhugalaus, óörugg og ítrekað tilkynnt fjarvistir á þeim stutta tíma sem hún hafði verið við störf. Þá hafi konan sjálf nefnt það á fundi 18. nóvember að hún væri óviss með framhaldið og íhugaði að segja upp. Fram kemur í niðurstöðu Héraðsdóms Reykjavíkur að lög um fæðingar- og foreldrarorlof, þar sem á er kveðið að ekki sé heimilt að segja upp starfsmanni vegna fyrirhugaðra barneigna, trompi dóma Hæstarétts þess efnis að á reynslutíma þurfi ekki að rökstyðja uppsögn. Þá kemur fram í niðurstöðu dómsins að rökstuðningur leikskólans um að leikskólakennarinn hafi verið óöruggur frá fyrstu stundu, mikið hafi vantað upp á traust milli aðila og að konan hafi verið áhugalaus og ítrekað fjarverandi standist ekki. Þá hafi komið fram í skýrslutöku fyrir dómi að stjórnendur leikskólans hafi ltið svo á að ákvörðun konunnar um að þiggja ekki leikskólapláss fyrir barnið sitt hafi falið í sér vantraust á starfsemi leikskólanna. Engar gildar ástæður fyrir uppsögninni „Athugasemdir stefnanda sem foreldris 10 mánaða gamals barns við aðbúnað á öðrum leikskóla, sem stefndi rekur, eru ekki gildar ástæður fyrir uppsögn. Þegar ákvörðun var tekin um að segja stefnanda upp störfum hafði hún einungis verið við vinnu í einn dag og tvær klukkustundir, “ segir í dómnum. „Ekki er við því að búast að starfsmaður ávinni sér sérstakt traust á svo skömmum tíma og þessi takmarkaði tími gaf ekki tilefni til að draga afgerandi ályktanir um áhuga stefnanda á starfinu og getu til að sinna því. Þó veikindi í upphafi starfssambands séu vissulega óheppileg, þá er óumdeilt að stefnandi var fjarverandi vegna veikinda á þessum tíma og því um lögmæt forföll að ræða.“ Þá segir að leikskólinn hafi ekki sýnt fram á að hann hafi haft gildar ástæður til uppsagnarinnar, sem teljist því ólögmæt og skaðabótaskyld. Dómsmál Leikskólar Kjaramál Mest lesið Mjög gjarnan kölluð nasisti og fasisti Innlent Barn á óskoðuðum bíl á 151 kílómetra hraða Innlent Páskaeggjaframleiðandi fagnar gagnrýni á málshætti Innlent Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent Vildi „tagga“ Frans páfa en niðurstaðan reyndist slysaleg Innlent Sagður bjóða frið fyrir formlega eign á Krímskaga Erlent Segir 60 mínútur hafa misst sjálfstæðið og hættir Erlent Valdatafl í Vatíkaninu: Hver verður næsti páfi? Erlent Drottningin lögð inn vegna veikinda Erlent Oscar þori varla út úr húsi af ótta við að vera sendur úr landi Innlent Fleiri fréttir Beint flug milli Akureyrar og útlanda aldrei verið meira „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Sjá meira
Málið má rekja aftur til septembermánaðar 2019 þegar leikskólakennarinn var ráðinn sem deildarstjóri á leikskólann. Samkomulag um ráðningu náðist 16. september og var fyrirhugaður fyrsti starfsdagur 1. nóvember sama ár. Leikskólakennarinn á barn, sem var þá tíu mánaða, sem hafði fengið pláss á öðrum leikskóla sem rekinn var af þeim sama og sá leikskóli sem hún var ráðin á. Daginn eftir að hafa farið með barn sitt í aðlögun á leikskólann, 28. október, mætti konan til fundar hjá leikskólastjóra skólans sem barnið fór í aðlögun á og aðstoðarleikskólastjóra þess skóla sem hún var ráðin á. Þar kvartaði hún yfir aðbúnaði á leikskóla barnsins og sagðist ekki ætla að koma aftur með barn sitt þangað. Sagt upp eftir einn dag í vinnu Hún mætti svo til starfa föstudaginn 1. nóvember 2019 þar sme hún var kynnt öðru starfsfólki áður en hún fór aftur heim. Dagana 4. til 6. nóvember var hún frá vinnu vegna veikinda. 7. nóvember skrifaði hún undir ótímabundinn ráðningarsamning. Eftir að undir samninginn var skrifað tilkynnti konan aðstoðarleikskólastjóranum að hún væri barnshafandi og þá komin tíu vikur á leið. Konan var aftur frá vinnu dagana 8. til 15. nóvember. Þegar hún mætti svo til vinnu mánudaginn 18. nóvember var hún kölluð inn á fund þar sem henni var sagt upp störfum og henni afhent uppsagnarbréf. Í uppsagnarbréfinu kom fram að henni væri sagt upp störfum á reynslutíma með eins mánaða fyrirvara, miðað við mánaðamót. Ekki var óskað eftir því að hún starfaði á uppsagnartímanum. Ástæður sem gefnar voru fyrir uppsögninni voru þær að konan hafi verið mikið fjarverandi vegna veikinda og skortur hafi verið á trausti. Ástæða þess ekki aðeins ítrekuð forföll heldur einnig það að konan hafi ekki greint frá því að hún væri barnshafandi áður en hún undirritaði ráðningarsamninginn. Lög um fæðingarorlof vegi þyngra en dómar Hæstarétts um uppsagnir á reynslutíma Konan leitaði til Kennarasambands Íslands sem fyrir hennar hönd hafði samband við Samtök atvinnulífsins, sem leikskólinn hafði leitað til. SA sendi fyrir hönd leikskólans ítarlegri stuðning fyrir uppsögn leikskólakennarans. Þar kom fram að uppsögnin hafi átt sér stað á reynslutíma, hún hafi virst áhugalaus, óörugg og ítrekað tilkynnt fjarvistir á þeim stutta tíma sem hún hafði verið við störf. Þá hafi konan sjálf nefnt það á fundi 18. nóvember að hún væri óviss með framhaldið og íhugaði að segja upp. Fram kemur í niðurstöðu Héraðsdóms Reykjavíkur að lög um fæðingar- og foreldrarorlof, þar sem á er kveðið að ekki sé heimilt að segja upp starfsmanni vegna fyrirhugaðra barneigna, trompi dóma Hæstarétts þess efnis að á reynslutíma þurfi ekki að rökstyðja uppsögn. Þá kemur fram í niðurstöðu dómsins að rökstuðningur leikskólans um að leikskólakennarinn hafi verið óöruggur frá fyrstu stundu, mikið hafi vantað upp á traust milli aðila og að konan hafi verið áhugalaus og ítrekað fjarverandi standist ekki. Þá hafi komið fram í skýrslutöku fyrir dómi að stjórnendur leikskólans hafi ltið svo á að ákvörðun konunnar um að þiggja ekki leikskólapláss fyrir barnið sitt hafi falið í sér vantraust á starfsemi leikskólanna. Engar gildar ástæður fyrir uppsögninni „Athugasemdir stefnanda sem foreldris 10 mánaða gamals barns við aðbúnað á öðrum leikskóla, sem stefndi rekur, eru ekki gildar ástæður fyrir uppsögn. Þegar ákvörðun var tekin um að segja stefnanda upp störfum hafði hún einungis verið við vinnu í einn dag og tvær klukkustundir, “ segir í dómnum. „Ekki er við því að búast að starfsmaður ávinni sér sérstakt traust á svo skömmum tíma og þessi takmarkaði tími gaf ekki tilefni til að draga afgerandi ályktanir um áhuga stefnanda á starfinu og getu til að sinna því. Þó veikindi í upphafi starfssambands séu vissulega óheppileg, þá er óumdeilt að stefnandi var fjarverandi vegna veikinda á þessum tíma og því um lögmæt forföll að ræða.“ Þá segir að leikskólinn hafi ekki sýnt fram á að hann hafi haft gildar ástæður til uppsagnarinnar, sem teljist því ólögmæt og skaðabótaskyld.
Dómsmál Leikskólar Kjaramál Mest lesið Mjög gjarnan kölluð nasisti og fasisti Innlent Barn á óskoðuðum bíl á 151 kílómetra hraða Innlent Páskaeggjaframleiðandi fagnar gagnrýni á málshætti Innlent Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent Vildi „tagga“ Frans páfa en niðurstaðan reyndist slysaleg Innlent Sagður bjóða frið fyrir formlega eign á Krímskaga Erlent Segir 60 mínútur hafa misst sjálfstæðið og hættir Erlent Valdatafl í Vatíkaninu: Hver verður næsti páfi? Erlent Drottningin lögð inn vegna veikinda Erlent Oscar þori varla út úr húsi af ótta við að vera sendur úr landi Innlent Fleiri fréttir Beint flug milli Akureyrar og útlanda aldrei verið meira „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Sjá meira
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent