Eriksen skrifaði undir stuttan samning við félagið undir lok félagsskiptagluggans sem lokaði á mánudaginn, en síðan þá hefur eftirspurn eftir tryjum félagsins þrjátíufaldast frá því sem hún er venjulega á þessum tíma árs.
Á fyrsta sólarhringnum eftir að Eriksen gekk í raðir Brentford bárust treyjupantanir frá 21 landi frá öllum heimshornum. Þar á meðal Bandaríkjunum, Suður-Kóreu, Ástralíu og Grænlandi.
Þá virtust Danir fá skyndilgan áhuga á nýja félagi Eriksen, en eftirspurn eftir Brentford treyjum var sú sama í Danmörku og á Bretlandseyjum.
🔴⚪️ The Eriksen Effect ⚪️🔴
— Football on BT Sport (@btsportfootball) February 3, 2022
Christian Eriksen's arrival at Brentford caused a massive demand in Bees shirts across the world 👕📈 pic.twitter.com/cGiE1jobba
Danski landsliðsmaðurinn gekk í raðir Brentford frá Ítalíumeisturum Inter, en leikmaðurinn hefur ekkert spilað síðan hann fór í hjartastopp í leik danska landsliðsins gegn Finnum á Evrópumótinu síðasta sumar.
Hann fékk samningi sínum við Inter rift í desember þar sem að reglur ítölsku deildarinnar heimila leikmönnum ekki að leika með gangráð.