Vinnsla Sjó­vá á per­­sónu­­upp­­­lýsingum ekki í sam­ræmi við lög

Viðskiptavinur tryggingafélagsins kvartaði til Persónuverndar í apríl 2020 yfir því að félagið hafi miðlað viðkvæmum persónuupplýsingum í formi lögregluskýrslu til sérfræðings. Var honum falið að útbúa skýrslu fyrir félagið um hraða- og höggútreiknings vegna umferðarslyss sem kvartandi lenti í.

Einnig var kvartað yfir vinnslu sérfræðingsins á persónuupplýsingum kvartanda í þeim tilgangi að gera umrædda PC Crash-skýrslu fyrir tryggingafélagið. Taldi kvartandi að bæði hafi skort heimild fyrir miðlun upplýsinganna og vinnslu sérfræðingsins þar sem hann hafi ekki veitt samþykki sitt eða haft vitneskju um miðlunina. Sömuleiðis taldi kvartandi miðlun upplýsinganna vera ónauðsynlega.

Kvartandi segir að hann hafi látið Sjóvá hafa lögregluskýrsluna í því skyni að félagið sjálft en ekki að þriðji aðili gæti notað upplýsingarnar til að taka afstöðu til bótaskyldu.

Persónuvernd komst að þeirri niðurstöðu að heimildir hafi verið fyrir vinnslunni en þar sem kvartandi var ekki upplýstur eða fræddur um miðlun gagnanna til sérfræðingsins og eftirfarandi vinnslu hans hafi hún ekki verið í samræmi við ákvæði persónuverndarlaganna um fræðsluskyldu og gagnsæi.

Fréttin hefur verið uppfærð.