Félagaskiptin hafa legið í loftinu undanfarnar vikur en í dag var loks tilkynnt um þau á miðlum enska félagsins.
Newcastle greiðir 35 milljónir punda til franska úrvalsdeildarliðsins Lyon en kaupverðið gæti hækkað upp í 42 milljónir punda, nái Newcastle ákveðnum árangri með Guimaraes innanborðs. Ef af verður, verður þessi 24 ára gamli Brasilíumaður dýrasti leikmaður í sögu Newcastle.
— Newcastle United FC (@NUFC) January 30, 2022
Newcastle United are thrilled to announce the signing of Bruno Guimarães from Olympique Lyonnais on a four-and-a-half year deal.
Bem vindo, @brunoog97!
Hjá liðinu hittir hann fyrir landa sinn, Joelinton, sem á enn þann heiður að vera dýrasti leikmaður í sögu Newcastle en hann kostaði 40 milljónir punda þegar hann var keyptur frá Hoffenheim fyrir þremur árum síðan.
Stuðningsmenn Newcastle vona líklega að nýja Brasilíumanninum muni farnast betur en Joelinton. Sá var keyptur til liðsins sem sóknarmaður en hefur aðeins skorað ellefu mörk í 105 leikjum.
Ef marka má enska fjölmiðla er frekari leikmannafrétta að vænta frá Newcastle áður en lokað verður fyrir félagaskipti annað kvöld. Má ætla að Dan Burn muni færa sig um set frá Brighton til Newcastle á allra næstu klukkustundum.
