Handbolti

Mótshaldarar rugluðu saman sýnum og Mandic er með

Sindri Sverrisson skrifar
David Mandic lék gegn Frökkum í fyrsta leik á EM en fékk þar rautt spjald og missti af næsta leik. Hann fékk svo ekki að spila þriðja leik Króata, eftir misskilning um að hann hefði greinst með kórónuveirusmit.
David Mandic lék gegn Frökkum í fyrsta leik á EM en fékk þar rautt spjald og missti af næsta leik. Hann fékk svo ekki að spila þriðja leik Króata, eftir misskilning um að hann hefði greinst með kórónuveirusmit. Getty/Sanjin Strukic

Króatar fengu að vita rétt fyrir leik sinn við Svartfjallaland, sem nú stendur yfir á EM í handbolta, að David Mandic mætti spila þrátt fyrir að hafa misst af síðasta leik vegna kórónuveirusmits.

Það kom nefnilega í ljós að mótshaldarar höfðu ruglað saman sýnum. Það var ekki vinstri hornamaðurinn David Mandic sem var með kórónuveiruna heldur þriðji markvörður Króata, Matej Mandic, sem er öllu minna mikilvægur fyrir liðið.

Þetta fullyrðir alla vega ungverski miðillinn Jutarnji að sé ástæðan fyrir því að David Mandic er óvænt með í dag.

Króatía og Svartfjallaland eru með Íslandi í riðli. Ísland mætir Króatíu næsta mánudag og svo Svartfjallalandi næsta miðvikudag.

Fimm leikmenn íslenska liðsins hafa greinst með kórónuveirusmit en eru við góða heilsu eftir því sem næst verður komist.

EM karla í handbolta 2022

Mest lesið


Fleiri fréttir

Sjá meira


×

Mest lesið