Samningur Suárez við Atlético Madrid rennur út eftir tímabilið og félagið ætlar ekki að bjóða honum nýjan samning. Það hefur Villa hins vegar gert ef marka má heimildir spænska fjölmiðlamannsins Gerards Romero.
Luis Suarez tiene encima de la mesa la propuesta de un amigo suyo. Gerrard ha llamado a Luis y se lo quiere llevar al Aston Villa. Ahora en https://t.co/vrsj4Xxjlb #jijantesfc
— Gerard Romero (@gerardromero) January 18, 2022
Samkvæmt Romero hefur suárez hafnað tilboðum frá liðum í Suður-Ameríku til að geta farið til Villa. Gerrard ku hafa rætt við Suárez en þeir voru samherjar hjá Liverpool á árunum 2011-14.
Eftir sex ár hjá Barcelona fór Suárez til Atlético Madrid fyrir síðasta tímabil. Hann átti stóran þátt í því að Madrídarliðið varð Spánarmeistari en hefur ekki fundið sig jafn vel í vetur.
Coutinho, sem lék með Gerrard og Suárez hjá Liverpool, skoraði eitt mark og lagði upp annað í fyrsta leik sínum fyrir Villa, í 2-2 jafntefli við Manchester United á laugardaginn.
