Smástirnið heitir 7482 (1994 PC1) og það rúmur kílómetri að lengd, þar sem það er stærst. Það uppgötvaðist árið 1994 og hefur verið rannsakað lengi.
Þó það þyki fara nálægt jörðu er ljóst að það er stjarnfræðileg nánd. Eins og áður segir verður smástirnið í tæplega tveggja milljóna kílómetra fjarlægð þegar það verður næst jörðu en til samanburðar má benda á að tunglið er í um 380 þúsund kílómetra fjarlægð.
Geimvísindastofnun Bandaríkjanna tísti um smástirnið í síðustu viku
Near-Earth #asteroid 1994 PC1 (~1 km wide) is very well known and has been studied for decades by our #PlanetaryDefense experts. Rest assured, 1994 PC1 will safely fly past our planet 1.2 million miles away next Tues., Jan. 18.
— NASA Asteroid Watch (@AsteroidWatch) January 12, 2022
Track it yourself here: https://t.co/JMAPWiirZh pic.twitter.com/35pgUb1anq
Hægt verður að fylgjast með ferð smástirnisins „í beinni útsendingu“ á vegum Virtual Telescope verkefnisins á Ítalíu. Þegar það er hvað næst jörðu gæti verið mögulegt að sjá það úr hefðbundnum stjörnukíkjum, samkvæmt vef Earthsky.
Áætlað er að það verði um klukkan 21:51 í kvöld.
Útsendinguna, sem hefst klukkan átta, má finna í spilararnum hér að neðan.
