Handbolti

Ekkert smit greindist innan íslenska hópsins

Hjörtur Leó Guðjónsson skrifar
Ekkert kórónuveirusmit greindist innan íslenska hópsins í gær.
Ekkert kórónuveirusmit greindist innan íslenska hópsins í gær. HSÍ

Leikmenn og starfsfólk íslenska karlalandsliðsins í handbolta sem nú dvelur í sóttvarnarbúbblu á Grand Hótel fyrir komandi Evrópumót í handbolta fóru í PCR próf í gær og greindist enginn með kórónuveiruna.

Frá þessu er greint á heimasíðu HSÍ, en þar kemur einnig fram að evrópska handknattleikssambandið EHF hafi sett öllum þátttökuþjóðum ákveðnar kröfur er varðar sóttvarnir áður en haldið er til keppni.

Einn liður í þeim kröfum séu reglubundin PCR próf til að skima fyrir kórónuveirunni og nú þegar sex dagar eru í fyrsta leik liðsins á EM er ekkert smit innan hópsins.

Fyrsti leikur íslenska liðsins er næstkomandi föstudag gegn Portúgal.

EM karla í handbolta 2022

Mest lesið


Fleiri fréttir

Sjá meira


×

Mest lesið