140 greindust innan­lands

Þetta kemur fram á síðunni Covid.is. 1.532 eru nú í einangrun vegna Covid-19, en voru 1.541 í gær. 1.842 eru nú í sóttkví, en voru 1.816 í gær. 184 eru nú í skimunarsóttkví.

22 eru nú inniliggjandi á sjúkrahúsum á landinu vegna Covid-19, samanborið við nítján í gær. Þá eru þrír á gjörgæslu vegna Covid-19, en voru tveir í gær. Á vef Landspítalans segir að 22 sjúklingar liggi nú á Landspítala vegna Covid-19. Meðalaldur inniliggjandi sé 63 ár. Þrír eru á gjörgæslu, tveir þeirra í öndunarvél.

22 smit kom upp á landamærunum í gær – sautján virk smit í fyrri landamæraskimun og er niðurstöðu mótefnamælingar beðið í tilviki fimm.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 500,1, en var 501,2 í gær. Nýgengi á smiti á landamærum er nú 28,1 en var 26,7 í gær.

Alls hafa 18.055 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 35 andlát verið rakin til Covid-19 hér á landi frá upphafi faraldursins.

Alls voru tekin 1.508 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 1.693 sýni tekin á landamærunum eða í seinni landamæraskimun og 494 í svokallaðri sóttkvíar- og handahófsskimun.