Fótbolti

Glódís byrjaði er Bayern fór áfram í átta liða úrslit

Hjörtur Leó Guðjónsson skrifar
Glódís Perla var í byrjunarliði Bayern er liðið tryggði sér sæti í átta liða úrslitum.
Glódís Perla var í byrjunarliði Bayern er liðið tryggði sér sæti í átta liða úrslitum. Getty/Matthias Balk

Glódís Perla Viggósdóttir var í byrjunarliði Bayern München er liðið vann öruggan 4-2 sigur gegn Eintracht Franktfurt í 16-liða úrslitum þýska bikarsins. 

Lea Schüller kom heimakonum í Bayern yfir á 28. mínútu, áður en Giulia Gwinn tvöfaldaði forystuna tíu mínútum seinna.

Sjoeke Nüksen minnkaði muninn fyrir gestina stuttu fyrir hálfleik og staðan var því 2-1 þegar gengið var til búningsherbergja.

Klara Bühl kom heimakonum aftur í tveggja marka forskot á 55. mínútu, en Laura Feiersinger minnkaði muninn á ný 25 mínútum fyrir leikslok.

Bühl bætti svo við sínu öðru marki og fjórða marki Bayern á 78. mínútu og tryggði heimakonum þar með sigurinn og sæti í átta liða úrslitum þýska bikarsins.

Þýski boltinn Fótbolti

Mest lesið


Fleiri fréttir

Sjá meira


×

Mest lesið