Argentínumaðurinn Lionel Messi er staddur í heimalandinu þar sem það er landsleikjahlé um þessar mundir. Þar hitti hann fyrir auðmjúkan stuðningsmann sem bað hinn 34 ára gamla Messi að fyrirgefa móður sinni.
Þessi ungi stuðningsmaður Argentínu, og Messi sjálfs, beið fyrir utan æfingasvæði landsliðsins með borða sem á stóð: „Fyrirgefðu móður minni Messi, hún vissi ekki hvað hún var að gera þegar hún skýrði mig Cristiano.“
"Messi, forgive my mum, she didn't know what she was doing, SHE CALLED ME CRISTIANO."
— ESPN FC (@ESPNFC) October 13, 2021
This little fan waited outside Argentina's training ground to apologise to Messi after his mother named him after Cristiano Ronaldo
(via @gastonedul) pic.twitter.com/z5mI1X4pP5
Hvort Messi hafi svarað kauða er alls óvíst en eflaust tekur hann þessu ekki persónulega.
Argentína er í harðri baráttu um að tryggja sér sæti á HM í Katar á næsta ári. Liðið er í góðri stöðu þegar 10 af 18 leikjum eru búnir en Messi og félagar eru með 22 stig í 2. sæti undankeppninnar, sex stigum meira en Ekvador og Úrúgvæ.
