Þunga­vigtin er nýjasti hlað­varps­þátturinn á í­þrótta­markaðnum

Þungavigtin er hlaðvarpsþáttur um fótbolta sem verður frumsýndur í dag. Liðsmenn þáttarins þarf vart að kynna fyrir þjóðinni. Skútunni stýrir Rikki G íþróttafréttamaður ásamt Mikael Nikulássyni og Kristjáni Óla Sigurðssyni betur þekktir sem Mike og Höfðinginn.

Strákarnir gefa vissulega tóninn í myndatökunni fyrir nýja þáttinn.

Þættirnir koma út á föstudögum og fara inn á allar helstu veitur. Í þessum þætti munu einnig góðir gestir líta við.

Fyrir þá allra hörðustu kemur Þungavigtin saman á Tal á hverjum mánudegi á og verða þeir þættir aðeins aðgengilegir áskrifendum. Þar koma Mike, Höfðinginn og Rikki G saman og ræða fótbolta á mannamáli.

Auk þess fær Höfðinginn reglulega gesti í Einn á Einn með Höfðingjanum. Þættirnir verða ýmist í hljóð- og eða myndbandsformi.

Eins koma þættir tengdir öðrum íþróttum eins og hand- og körfubolta fyrir áskrifendur en hægt er að tryggja sér áskrift inn á Tal.is/vigtin.