Sjötti þáttur seríunnar verður á dagskrá klukkan 18:50 og munu áhorfendur fá að kynnast fjórum einstaklingum sem eru í leit að ástinni og fylgja þeim á blind stefnumót.
Par 1
Listræna Skagamærin Catherine Soffía hittir hina söng- og danselsku Kötlu á einlægu blindu stefnumóti.
Stefnumótið er persónulega mjög stór stund í lífi Catherine og verður því forvitnilegt að fylgjast með.
Þær Katla og Catherine eiga ýmislegt sameiginlegt, og jafnvel aðeins meira en þeim hefði nokkurn tíma grunað.
Par 2
Fyrrum verslunareigandinn hin stórglæsilega Hafdís hittir fyrir rafverktakann og sundkappann hann Viðar á blindu stefnumóti.
Bæði eru Viðar og Hafdís miklir orkuboltar sem elska útiveruna og þurfa alltaf að hafa eitthvað fyrir stafni.
Hafdís og Viðar eiga það einnig sameiginlegt að vita fátt eins gott eins og að vera í vatni svo að það verður spennandi að sjá hvort að einhverjir töfrar muni svífa yfir vötnum á stefnumótinu.
Hægt er að sjá sýnishorn úr þættinum hér fyrir neðan.
Öll stefnumót þáttarins fara fram á nýjum veitingastað í miðbænum sem heitir Monkeys og er staðsettur á Klapparstíg.
Fyrir áhugasama og einlæga Fyrsta bliks aðdáendur er hægt að fylgjast með, og jafnvel sjá skemmtilegt aukaefni, á Instagramsíðu Fyrsta bliksins.
Fyrsta blikið eru stefnumóta- og raunveruleikaþættir sem sýndir eru á Stöð 2.
Í hverjum þættir eru kynntir til leiks fjórir einstaklingar sem áhorfendur fá að kynnast í gegnum sófaspjall sem og spjall við aðstandendur. Sýnt er frá spennunni fyrir stefnumótið og auðvitað stefnumótinu sjálfu sem gerist á veitingastaðnum Monkeys í miðbæ Reykjavíkur.
Þættirnir eru sjö talsins og eru á dagskrá Stöðvar 2 á föstudagskvöldum klukkan 18:55 og koma í kjölfarið á Stöð 2+. Hægt er að kaupa áskrift að Stöð 2+ hér.
