Danski þjóðarflokkurinn: Pia Kjærsgaard útilokar ekki endurkomu í formannsstólinn Þorgils Jónsson skrifar 19. september 2021 11:31 Pia Kjærsgaard steig úr stóli formanns Danska þjóðarflokksins fyrir níu árum, en útilokar nú ekki endurkomu. Flokkurinn hefur hrunið í fylgi og innri átök lituðu landsfund flokksins um helgina. Pia Kjærsgaard, fyrrverandi formaður Danska þjóðarflokksins, útilokar ekki að hún muni aftur gera tilkall til forystu flokksins, batni pólitískt gengi hans ekki á næstunni. Þessi orð lét hún falla eftir að landsfundi flokksins lauk í Herning í gær. Kjærsgaard er 74 ára gömul og leiddi flokkinn frá stofnun 1995 allt til ársins 2012. Hún hefur bæði verið einn umdeildasti og áhrifamesti stjórnmálamaður landsins um árabil og var m.a. forseti danska þingsins frá 2015 til 2019. Hún steig úr stóli flokksformanns árið 2012 og útnefndi Kristian Thulesen Dahl sem eftirmann sinn. Síðustu ár hafa verið mögur fyrir flokkinn sem tapaði miklu fylgi í þingkosningunum árið 2019. Tilkoma vinstri stjórnar Mette Fredriksen í framhaldinu þýddi að Þjóðarflokkurinn fékk ekki eins miklu ráðið og þegar hann varði hægri stjórn Venstre falli. Þá hafa hneykslismál skekið flokkinn og fylgi hans farið sífellt minnkandi í skoðanakönnunum. Aðdragandi landsfundarins um helgina einkenndist öðru fremur af innri illdeilum. Í frétt DR segir að flokkadrættir séu milli harðlínufólks annars vegar, sem er á því að flokkurinn eigi að herða stöðu sína og framgöngu í málum sem varða Evrópusambandið og Íslam, og hins vegar þess hóps sem vill ekki ganga eins langt í þeim efnum. Í ljósi þessarra deilna, komu fjölmargir fulltrúar og forystufólk úr röðum flokksins að máli við Kjærsgaard um að hún skyldi snúa aftur sem formaður til að lægja öldurnar. Hún ákvað að skora Thulesen Dahl ekki á hólm í formannskjöri um helgina en tók sérstaklega fram að ef flokkurinn næði ekki ásættanlegum árangri í sveitarstjórnarkosningunum sem fyrirhugaðar eru í nóvember gæti hún ekki útilokað endurkomu. „Ég vil gjarna leggja mitt af mörkum" „Ég þarf að spjalla við Kristian Thulesen Dahl um það hvort ég fái forystuhlutverk. Ég held að það sé þörf á því og minn hugur stendur líka til þess. Ég vil gjarnan leggja mitt af mörkum til að við fáum eins góða kosningu og mögulegt er.“ Aðspurð um hvaða skilning hún leggi í hugtakið „forystuhlutverk“ svaraði Kjærsgaard því til að hún vildi láta meira til sín taka, sérstaklega í sveitarstjórnarkosningabaráttunni. Þegar talið barst að formannsembættinu steig hún varlega til jarðar og sagðist hafa verið formaður flokksins í 17 ár og formaður Framfaraflokksins sáluga í tíu ár þar á undan. „Þannig að mér finnst ég eiginlega hafa gert mitt. En ég get ekki horft upp á flokkinn minn skaðast. Þá gerir maður hvað sem til þarf.“ Hún sagðist ekki vilja ræða þessi mál beint. Hún hafi afþakkað að fara í formannskosningar á nýafstöðnum fundi, til að tryggja frið í flokknum. Framtíðin verði að leiða annað í ljós. Thulesen Dahl bar sig vel þegar þessi yfirlýsing formannsins fyrrverandi var borin undir hann: „Það er bara frábært að við í flokknum séum þarna með einstakling sem hefur verið með frá upphafi og er tilbúin að stíga fram, ef flokknum fyndist þörf á.“ Danmörk Mest lesið „Þetta er auðvitað stórhættulegt“ Innlent Langtímarannsóknir skorti á áhrifum kreatíns Innlent Fjórir látnir eftir skotárás á Manhattan Erlent Ungir menn staðnir að því að skjóta gelkúlum á vegfarendur Innlent Fundaði með Guterres: Tveggja ríkja lausnin sé eina lausnin Innlent Trump segir „alvöru hungursneyð“ ríkja á Gasa Erlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Á annan tug í valnum eftir að Rússar sprengdu fangelsi í loft upp Erlent Sagði sig úr þingmannahóp: „Ég læt ekki nota mig í slíkum tilgangi“ Innlent Fleiri fréttir Á annan tug í valnum eftir að Rússar sprengdu fangelsi í loft upp Trump segir „alvöru hungursneyð“ ríkja á Gasa Fjórir látnir eftir skotárás á Manhattan Vill að skýrslutaka Murdochs fari fram eins fljótt og hægt er Tóku tugi af lífi eftir að hafa fengið lausnarfé Elsti Gallagher-bróðirinn ákærður fyrir nauðgun Krísa yfirvofandi: Þurr svæði stækka og þorna hraðar Fækkar dögunum sem hann gaf Pútín: „Ég held ég viti þegar svarið“ Vara við hópeitrunum af völdum THC eftir atvik í fyrra Þrír látnir eftir að lest fór af sporinu Ætla að breyta heræfingum eftir skammir frá systur Kims Semja um vopnahlé 64 prósent myndu þiggja gjaldfrjáls þyngdarstjórnunarlyf Skotárás í Bangkok: Skaut fimm til bana og fyrirfór sér Deilur Repúblikana um Epstein-skjölin magnast enn Gera tíu klukkustunda „mannúðarhlé“ á árásum Segir nýjan viðskiptasamning þann „stærsta í sögunni“ Ísraelsher stöðvaði aðra skútu með vistum Stal 73 rauðvínsflöskum og rúllaði burt á þríhjóli Forsætisráðherra segir að átökin gætu færst nær stríði Biðst afsökunar en segist hvorki þuklari, flassari né dónakarl „Góðu fréttirnar eru að það sem hann segir skiptir engu máli“ „Tími til kominn að ljúka stríðinu á Gasa“ Lýsa yfir herlögum í Taílandi Ísraelsþing ályktar um innlimun Vesturbakkans Jeremy Corbyn leiðir nýja stjórnmálahreyfingu Þrýstingur eykst á Starmer að hann fari sömu leið og Frakkar Samninganefndir ræða fund leiðtoganna Karlmaður á fertugsaldri handtekinn fyrir sprengjuhótunina Ísraelskur ráðherra kynnir áform um þjóðernishreinsun á Gasa Sjá meira
Þessi orð lét hún falla eftir að landsfundi flokksins lauk í Herning í gær. Kjærsgaard er 74 ára gömul og leiddi flokkinn frá stofnun 1995 allt til ársins 2012. Hún hefur bæði verið einn umdeildasti og áhrifamesti stjórnmálamaður landsins um árabil og var m.a. forseti danska þingsins frá 2015 til 2019. Hún steig úr stóli flokksformanns árið 2012 og útnefndi Kristian Thulesen Dahl sem eftirmann sinn. Síðustu ár hafa verið mögur fyrir flokkinn sem tapaði miklu fylgi í þingkosningunum árið 2019. Tilkoma vinstri stjórnar Mette Fredriksen í framhaldinu þýddi að Þjóðarflokkurinn fékk ekki eins miklu ráðið og þegar hann varði hægri stjórn Venstre falli. Þá hafa hneykslismál skekið flokkinn og fylgi hans farið sífellt minnkandi í skoðanakönnunum. Aðdragandi landsfundarins um helgina einkenndist öðru fremur af innri illdeilum. Í frétt DR segir að flokkadrættir séu milli harðlínufólks annars vegar, sem er á því að flokkurinn eigi að herða stöðu sína og framgöngu í málum sem varða Evrópusambandið og Íslam, og hins vegar þess hóps sem vill ekki ganga eins langt í þeim efnum. Í ljósi þessarra deilna, komu fjölmargir fulltrúar og forystufólk úr röðum flokksins að máli við Kjærsgaard um að hún skyldi snúa aftur sem formaður til að lægja öldurnar. Hún ákvað að skora Thulesen Dahl ekki á hólm í formannskjöri um helgina en tók sérstaklega fram að ef flokkurinn næði ekki ásættanlegum árangri í sveitarstjórnarkosningunum sem fyrirhugaðar eru í nóvember gæti hún ekki útilokað endurkomu. „Ég vil gjarna leggja mitt af mörkum" „Ég þarf að spjalla við Kristian Thulesen Dahl um það hvort ég fái forystuhlutverk. Ég held að það sé þörf á því og minn hugur stendur líka til þess. Ég vil gjarnan leggja mitt af mörkum til að við fáum eins góða kosningu og mögulegt er.“ Aðspurð um hvaða skilning hún leggi í hugtakið „forystuhlutverk“ svaraði Kjærsgaard því til að hún vildi láta meira til sín taka, sérstaklega í sveitarstjórnarkosningabaráttunni. Þegar talið barst að formannsembættinu steig hún varlega til jarðar og sagðist hafa verið formaður flokksins í 17 ár og formaður Framfaraflokksins sáluga í tíu ár þar á undan. „Þannig að mér finnst ég eiginlega hafa gert mitt. En ég get ekki horft upp á flokkinn minn skaðast. Þá gerir maður hvað sem til þarf.“ Hún sagðist ekki vilja ræða þessi mál beint. Hún hafi afþakkað að fara í formannskosningar á nýafstöðnum fundi, til að tryggja frið í flokknum. Framtíðin verði að leiða annað í ljós. Thulesen Dahl bar sig vel þegar þessi yfirlýsing formannsins fyrrverandi var borin undir hann: „Það er bara frábært að við í flokknum séum þarna með einstakling sem hefur verið með frá upphafi og er tilbúin að stíga fram, ef flokknum fyndist þörf á.“
Danmörk Mest lesið „Þetta er auðvitað stórhættulegt“ Innlent Langtímarannsóknir skorti á áhrifum kreatíns Innlent Fjórir látnir eftir skotárás á Manhattan Erlent Ungir menn staðnir að því að skjóta gelkúlum á vegfarendur Innlent Fundaði með Guterres: Tveggja ríkja lausnin sé eina lausnin Innlent Trump segir „alvöru hungursneyð“ ríkja á Gasa Erlent Styttist í háþróuð gervigreindarsvindl á íslensku Innlent Bílar fullir af bensínbrúsum séu úti um alla borg Innlent Á annan tug í valnum eftir að Rússar sprengdu fangelsi í loft upp Erlent Sagði sig úr þingmannahóp: „Ég læt ekki nota mig í slíkum tilgangi“ Innlent Fleiri fréttir Á annan tug í valnum eftir að Rússar sprengdu fangelsi í loft upp Trump segir „alvöru hungursneyð“ ríkja á Gasa Fjórir látnir eftir skotárás á Manhattan Vill að skýrslutaka Murdochs fari fram eins fljótt og hægt er Tóku tugi af lífi eftir að hafa fengið lausnarfé Elsti Gallagher-bróðirinn ákærður fyrir nauðgun Krísa yfirvofandi: Þurr svæði stækka og þorna hraðar Fækkar dögunum sem hann gaf Pútín: „Ég held ég viti þegar svarið“ Vara við hópeitrunum af völdum THC eftir atvik í fyrra Þrír látnir eftir að lest fór af sporinu Ætla að breyta heræfingum eftir skammir frá systur Kims Semja um vopnahlé 64 prósent myndu þiggja gjaldfrjáls þyngdarstjórnunarlyf Skotárás í Bangkok: Skaut fimm til bana og fyrirfór sér Deilur Repúblikana um Epstein-skjölin magnast enn Gera tíu klukkustunda „mannúðarhlé“ á árásum Segir nýjan viðskiptasamning þann „stærsta í sögunni“ Ísraelsher stöðvaði aðra skútu með vistum Stal 73 rauðvínsflöskum og rúllaði burt á þríhjóli Forsætisráðherra segir að átökin gætu færst nær stríði Biðst afsökunar en segist hvorki þuklari, flassari né dónakarl „Góðu fréttirnar eru að það sem hann segir skiptir engu máli“ „Tími til kominn að ljúka stríðinu á Gasa“ Lýsa yfir herlögum í Taílandi Ísraelsþing ályktar um innlimun Vesturbakkans Jeremy Corbyn leiðir nýja stjórnmálahreyfingu Þrýstingur eykst á Starmer að hann fari sömu leið og Frakkar Samninganefndir ræða fund leiðtoganna Karlmaður á fertugsaldri handtekinn fyrir sprengjuhótunina Ísraelskur ráðherra kynnir áform um þjóðernishreinsun á Gasa Sjá meira