Oddvitaáskorunin: Gerðist óvænt garðyrkjukona Samúel Karl Ólason skrifar 12. september 2021 15:00 Vísir stendur fyrir Oddvitaáskoruninni 2021 þar sem skorað er á oddvita allra flokka í kjördæmum um land allt að taka þátt. Áskorunin felur í sér stutta kynningu og að svara nokkrum léttum spurningum. Hanna Katrín Friðriksson leiðir lista Viðreisnar í Reykjavíkurkjördæmi suður í kosningunum. „Ég heiti Hanna Katrín Friðriksson og er oddviti Viðreisnar í Reykjavíkurkjördæmi suður. Ég er dóttir hjónanna Margrétar B. Þorsteinsdóttur og Torbens Friðriksson, á tvo bræður Steen Magnús og Knút Þór, er eiginkona Ragnhildar Sverrisdóttur og móðir Elísabetar Friðriksson og Margrétar Friðriksson. Ég er uppalinn Breiðhyltingur en hef frá því að ég fór úr foreldrahúsum búið víða í Reykjavík og svo einhver ár í Bandaríkjunum þar sem ég var í framhaldsnámi. Áhugamálin eru eiginleg asnalega hefðbundin. Ég elska að verja tíma með fjölskyldunni enda er ég svo heppin að það er skemmtilegasta fólki í heimi. Ég þoli ekki marga daga í röð án þess að hreyfa mig duglega úti við en veit að sama skapi fátt betra en að sökkva mér ofan í góða bók, helst við kertaljós. Ég spilaði handbolta í mörg ár og er rík af vinum m.a. úr íþróttahreyfingunni. ÍR og Valur eru mín félög og svo Víkingur í gegnum dæturnar.“ „Ég er ein af stofnendum Viðreisnar, flokks sem hefur skýran tilgang og við sem stöndum í framlínunni erum daglega minnt á það af okkar sterka baklandi. Við erum opinn, frjálslyndur alþjóðlega sinnaður flokkur. Flokkur sem trúir á markaðslausnir samhliða sterkri velferðarstefnu því við trúum að annað styrki hitt. Sterkt atvinnulíf og sterkt opinbert kerfi. Sterkan ríkisrekstur og sterkan einkarekstur. Við viljum klára Evrópumálin, viljum breytingar í sjávarútvegi þar sem eðlilegt gjald er greitt fyrir aðgang að sjávarauðlindinni með tímabundnum samningum, rétt eins og á við um aðrar náttúruauðlindir okkar. Við viljum bæta styrkjakerfið í landbúnaði til þess að auðvelda bændum að hasla sér betur völl sem vistbændur. Umhverfismálin eru mér og okkur í Viðreisn mikið hjartans mál. Við viljum nálgast þau á sama hátt og við höfum nálgast jafnréttismálin, ekki sem einangraðan málaflokk heldur sem málefni sem hríslast í gegnum öll stefnumál, allt sem við segjum og allt sem við gerum.“ Komið víða við „Ég hef komið víða við í atvinnulífinu. Sú reynsla og innsýn sem ég hef öðlast þar hefur reynst mér mjög dýrmæt í störfum mínum á þingi. Fyrst og síðast hef ég lært að stöðugleikinn felst ekki í því að sitja fastur í gamalli heimsmynd á meðan samfélagið þróast. Sá sannleikur á alls staðar við. Söngur íhaldsflokkanna er hinn sami á öllum tímum; að núna sé ekki tími fyrir breytingar. Ég segi; það er alltaf tími fyrir breytingar. Samfélög breytast, stjórnmálaöfl sem sitja eftir eru til óþurftar. Hlutverk stjórnmálanna er að auðvelda fólki og fyrirtækjum að fóta sig í breytilegum heimi. Ég er stolt af því að vera hinsegin þingmaður. Á kjörtímabilinu sem er að líða hef ég verið eini fulltrúi hinsegin samfélagsins á þingi, það breytist vonandi nú eftir kosningar. Því það skiptir máli. Kyn skiptir máli, kynhneigð skiptir máli, kynvitund og kyntjáning skiptir máli. Það er mikill misskilningur að þetta sem skilgreinir einstaklinga á mjög persónulegan hátt skipti engu. Við eigum hins vegar að tryggja að fólki sé ekki mismunað á grundvelli þessa munar. Við erum ólík, en eigum öll sama rétt. Þennan sannleika mættum við hafa víðar í heiðri, þá væri heimurinn annar og betri. Ég vonast til að fá áframhaldandi stuðning til starfa á Alþingi, fyrir land og þjóð. Okkur eru allir vegir færir, við þurfum bara að gefa framtíðinni tækifæri.“ Klippa: Oddvitaáskorun - Hanna Katrín Friðriksson Hver er fallegasti staðurinn á Íslandi? Reykjavík. Hvað færðu þér í bragðaref? Jarðarber, bláber, Snickers. Uppáhalds bók? Vel skrifaðar ævisögur fólks sem er í hringiðu samfélagsbreytinga höfða mikið til mín. Ein slík er Personal History, saga Katharine Graham útgefanda Washington Post árin 1963-1991. Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Mississippi með Pussycat Hvar á Íslandi myndir þú helst vilja búa? (Ekki í þínu kjördæmi) Í Reykjavík norður. Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi. Ég gerðist garðyrkjukona uppi í sumarbústað. Sá það ekki fyrir. Hvað tekur þú í bekk? Ekki hugmynd, en er sennilega góð. Handboltaárin hljóta að gefa. Burstar þú tennurnar fyrir eða eftir morgunmat? Bæði. Draumastarfið? (Fyrir utan þingsetu) Kennsla. Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi? Viltu fá númerið hjá Óla Bogga, klipparanum mínum? Uppáhalds tónlistarmaður? Sigga Beinteins. Besti fimmaurabrandarinn? Pabbi minn sagði 10 fimmaurabrandara á dag alla mína æsku. Ég þróaði með mér minnisleysi. Ein sterkasta minningin úr æsku? Langt tjaldferðalag fjölskyldunnar um Evrópu þegar ég var 12 ára. Ótrúleg upplifun sem er enn uppspretta hugmynda og umræðu. Hver er fyrirmynd þín í pólitík? Þegar kemur að pólitík hrífst ég frekar af hugsjónum, hugmyndum og framkvæmd. Þar hafa margir einstaklingar lagt í púkkið. Besta íslenska Eurovision-lagið? Gleðibankinn er ógleymanlegur! Besta frí sem þú hefur farið í? Dætur mínar munu seint fyrirgefa mér ef ég nefni ekki Hawaii ferðina sem við mæður þeirra gáfum þeim í fermingargjöf. Ég er sammála þeim þar, besta fríið! Uppáhalds þynnkumatur? Ég veit að malt og appelsín er ekki matur. En samt. Hve oft hefur þú farið að sjá eldgosið? Einu sinni þegar gosið var 5 daga gamalt. Er alltaf á leiðinni að fara aftur. Uppáhalds Fóstbræðraatriði? Indriði var minn maður. Uppáhalds uppátækið frá framhaldsskólaárunum? Úff. Rómantískasta uppátækið? Mér dettur ekkert í hug og þar sem verra er, konunni minni ekki heldur. Takk Vísir! Oddvitaáskorunin Alþingiskosningar 2021 Reykjavíkurkjördæmi suður Viðreisn Mest lesið Var talin vera hommi og lögð í einelti Lífið Ísland með auga fuglsins Lífið „Við munum ekki eldast saman“ Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Krakkatían: Dýrin, heimsálfur og teiknimyndir Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Tæpur helmingur íbúa hefur séð myndina Bíó og sjónvarp „Ég fæ morgnana til að vera bara ég“ Tónlist Fleiri fréttir „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Sjá meira
Hanna Katrín Friðriksson leiðir lista Viðreisnar í Reykjavíkurkjördæmi suður í kosningunum. „Ég heiti Hanna Katrín Friðriksson og er oddviti Viðreisnar í Reykjavíkurkjördæmi suður. Ég er dóttir hjónanna Margrétar B. Þorsteinsdóttur og Torbens Friðriksson, á tvo bræður Steen Magnús og Knút Þór, er eiginkona Ragnhildar Sverrisdóttur og móðir Elísabetar Friðriksson og Margrétar Friðriksson. Ég er uppalinn Breiðhyltingur en hef frá því að ég fór úr foreldrahúsum búið víða í Reykjavík og svo einhver ár í Bandaríkjunum þar sem ég var í framhaldsnámi. Áhugamálin eru eiginleg asnalega hefðbundin. Ég elska að verja tíma með fjölskyldunni enda er ég svo heppin að það er skemmtilegasta fólki í heimi. Ég þoli ekki marga daga í röð án þess að hreyfa mig duglega úti við en veit að sama skapi fátt betra en að sökkva mér ofan í góða bók, helst við kertaljós. Ég spilaði handbolta í mörg ár og er rík af vinum m.a. úr íþróttahreyfingunni. ÍR og Valur eru mín félög og svo Víkingur í gegnum dæturnar.“ „Ég er ein af stofnendum Viðreisnar, flokks sem hefur skýran tilgang og við sem stöndum í framlínunni erum daglega minnt á það af okkar sterka baklandi. Við erum opinn, frjálslyndur alþjóðlega sinnaður flokkur. Flokkur sem trúir á markaðslausnir samhliða sterkri velferðarstefnu því við trúum að annað styrki hitt. Sterkt atvinnulíf og sterkt opinbert kerfi. Sterkan ríkisrekstur og sterkan einkarekstur. Við viljum klára Evrópumálin, viljum breytingar í sjávarútvegi þar sem eðlilegt gjald er greitt fyrir aðgang að sjávarauðlindinni með tímabundnum samningum, rétt eins og á við um aðrar náttúruauðlindir okkar. Við viljum bæta styrkjakerfið í landbúnaði til þess að auðvelda bændum að hasla sér betur völl sem vistbændur. Umhverfismálin eru mér og okkur í Viðreisn mikið hjartans mál. Við viljum nálgast þau á sama hátt og við höfum nálgast jafnréttismálin, ekki sem einangraðan málaflokk heldur sem málefni sem hríslast í gegnum öll stefnumál, allt sem við segjum og allt sem við gerum.“ Komið víða við „Ég hef komið víða við í atvinnulífinu. Sú reynsla og innsýn sem ég hef öðlast þar hefur reynst mér mjög dýrmæt í störfum mínum á þingi. Fyrst og síðast hef ég lært að stöðugleikinn felst ekki í því að sitja fastur í gamalli heimsmynd á meðan samfélagið þróast. Sá sannleikur á alls staðar við. Söngur íhaldsflokkanna er hinn sami á öllum tímum; að núna sé ekki tími fyrir breytingar. Ég segi; það er alltaf tími fyrir breytingar. Samfélög breytast, stjórnmálaöfl sem sitja eftir eru til óþurftar. Hlutverk stjórnmálanna er að auðvelda fólki og fyrirtækjum að fóta sig í breytilegum heimi. Ég er stolt af því að vera hinsegin þingmaður. Á kjörtímabilinu sem er að líða hef ég verið eini fulltrúi hinsegin samfélagsins á þingi, það breytist vonandi nú eftir kosningar. Því það skiptir máli. Kyn skiptir máli, kynhneigð skiptir máli, kynvitund og kyntjáning skiptir máli. Það er mikill misskilningur að þetta sem skilgreinir einstaklinga á mjög persónulegan hátt skipti engu. Við eigum hins vegar að tryggja að fólki sé ekki mismunað á grundvelli þessa munar. Við erum ólík, en eigum öll sama rétt. Þennan sannleika mættum við hafa víðar í heiðri, þá væri heimurinn annar og betri. Ég vonast til að fá áframhaldandi stuðning til starfa á Alþingi, fyrir land og þjóð. Okkur eru allir vegir færir, við þurfum bara að gefa framtíðinni tækifæri.“ Klippa: Oddvitaáskorun - Hanna Katrín Friðriksson Hver er fallegasti staðurinn á Íslandi? Reykjavík. Hvað færðu þér í bragðaref? Jarðarber, bláber, Snickers. Uppáhalds bók? Vel skrifaðar ævisögur fólks sem er í hringiðu samfélagsbreytinga höfða mikið til mín. Ein slík er Personal History, saga Katharine Graham útgefanda Washington Post árin 1963-1991. Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Mississippi með Pussycat Hvar á Íslandi myndir þú helst vilja búa? (Ekki í þínu kjördæmi) Í Reykjavík norður. Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi. Ég gerðist garðyrkjukona uppi í sumarbústað. Sá það ekki fyrir. Hvað tekur þú í bekk? Ekki hugmynd, en er sennilega góð. Handboltaárin hljóta að gefa. Burstar þú tennurnar fyrir eða eftir morgunmat? Bæði. Draumastarfið? (Fyrir utan þingsetu) Kennsla. Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi? Viltu fá númerið hjá Óla Bogga, klipparanum mínum? Uppáhalds tónlistarmaður? Sigga Beinteins. Besti fimmaurabrandarinn? Pabbi minn sagði 10 fimmaurabrandara á dag alla mína æsku. Ég þróaði með mér minnisleysi. Ein sterkasta minningin úr æsku? Langt tjaldferðalag fjölskyldunnar um Evrópu þegar ég var 12 ára. Ótrúleg upplifun sem er enn uppspretta hugmynda og umræðu. Hver er fyrirmynd þín í pólitík? Þegar kemur að pólitík hrífst ég frekar af hugsjónum, hugmyndum og framkvæmd. Þar hafa margir einstaklingar lagt í púkkið. Besta íslenska Eurovision-lagið? Gleðibankinn er ógleymanlegur! Besta frí sem þú hefur farið í? Dætur mínar munu seint fyrirgefa mér ef ég nefni ekki Hawaii ferðina sem við mæður þeirra gáfum þeim í fermingargjöf. Ég er sammála þeim þar, besta fríið! Uppáhalds þynnkumatur? Ég veit að malt og appelsín er ekki matur. En samt. Hve oft hefur þú farið að sjá eldgosið? Einu sinni þegar gosið var 5 daga gamalt. Er alltaf á leiðinni að fara aftur. Uppáhalds Fóstbræðraatriði? Indriði var minn maður. Uppáhalds uppátækið frá framhaldsskólaárunum? Úff. Rómantískasta uppátækið? Mér dettur ekkert í hug og þar sem verra er, konunni minni ekki heldur. Takk Vísir!
Oddvitaáskorunin Alþingiskosningar 2021 Reykjavíkurkjördæmi suður Viðreisn Mest lesið Var talin vera hommi og lögð í einelti Lífið Ísland með auga fuglsins Lífið „Við munum ekki eldast saman“ Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Krakkatían: Dýrin, heimsálfur og teiknimyndir Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Tæpur helmingur íbúa hefur séð myndina Bíó og sjónvarp „Ég fæ morgnana til að vera bara ég“ Tónlist Fleiri fréttir „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Sjá meira